Hoto hay gooto e mon woppu yimɓe ɓattiiɓe ɗum ñawna nguurndam mun bonna hakkille mun, walla nii mbaɗa feere haa pirta dewgal mun.
Hoto haallullaaji maɓɓe, ena wonndi e nan nanti addan on luurdude e yimɓe ɓe kawru no ɗon walla bonnude hakkunde mon e ɓeen.
Ko goonga Jiɗnaaɓe mon e yimɓe ɓattiiɓe, on ena njogee mon geɗal ndokkeeɓe geɗal maɓɓe haa timma, oɗon poti hollu-deɓe «neehdi, ɗoof taa deɓe e yaŋkinaare Eko nanndi heen.
kono hoto njaɓanee jiɗnaaɓe, mon yoo mbonnu dewgal mon walla mbaɗa feere haa jam kawral e nanondiral gonno ngal hukkunde mon e jom suudu mon, ustoo walla natta wonde ɗoon.
So tawii ko noon ɗum way walla ko ɗuum ɓe njiɗi mbaɗon ndeen noon oɗon poti yeewtide e maɓɓe, ngardinon neehdi kaalon no ina moyyira taw kadi ena laaɓi cer.
Ko adii fof ko jiɗnaaɓe kaani yiilaade, ko ena nafa ɓiɓɓe mumen ko ena wela ɗumen eko ena walla ɗumen haa njaara yeeso.
Ko kañum en kaani wallude ɓiɓɓe mumen haa cafra caɗeele mumen, e dewgal haa mbaawa danñje heen no muñiri caɗeele gonɗe heen fof.
Hol no foti ɗo yummiraaɗo bonni, Dewngal ɓi yum gorko, walla ɓi yum Debbo, bonni nguurndam mumen.
Hol no foti ɗo yummiraaɗo jaggiri esiraagel mum Debbo, no nawlumni, fewja waɗa huunde fof mbela ɓiyum gorko ena seera ɗum natta yiɗde dum, walla adda goɗɗo fawa ɗoon ɓe ngona tato, galle ɓeeydoo njiiɓaade,
yummiraaɗo fotaani heeɗde ɓiɓɓe mun e noppi mumen e hakkillaaji mumen, wiya ko yiɗi fof ko ɗuum ɓe, mbaɗata ko haali fof ko ɗuum wonata.
Alaa jiɗnaaɗo kay haani ko wallude ɓiɓɓe mun… haa mbaɗa « bibje» mbaawa diwannde koye mumen,
Rewɓee so ndesaama, walla ɗumen no njooɗorii, e cuuɗi mumen ndeena ɓesngu munen cuura jom galleeji, mumen.
Worɓeɓee… kadi walla ɗumen no cuuro rii, cuurora ɗum heen waɗa huunde fof mbela kawral e yiɗde ina ɓeeydoo hakkunde mumen e jom suudu mumen.
Aan banam gorko, so neene maa yiiɗii puus dema haa luurdaa e jom suudu maa walla haa ceerton faam a fotaani jaɓannde ɗum ko way noon.
hay gooto fotaani ɗooftaade walla jaɓa waɗande jinnaaɗo mum ko ina woɗɗitina hakkunde mun e"Geno"
Ko aan foti daraade ndarnde gorko, ndokaa jinnaaɓe maa geɗal mumen Haa timma.
Ndokkaa jom suudu maa kadi geɗal mun haa timma,
Hoto jam hay gooto e maɓɓe, cikka ko goɗɗo oo, ɓuran maa ɗum kañum walla ko goɗɗo oo, ɓur ɗaa yidde e kañum.
Ko goonga nii weeɓaani kono waɗ feere haa gooto e maɓɓe fof waɗa e ɓernde mun ko kañum ɓuran maa goɗɗo oo,
mi gaynira aɗa foti andinnde jom suudu maa wonaa aan tan o haani ɗooftaade e rokkude needi, alaa hay Jinnaaɓe maa ko heen jeyaa.
