YEEWTERE : ABDOUL ATA GAWLO SECK, ET ABOU DIOP

pulaar

Aan banndam

 ~Aan banndam wallu hoore maa~

balloraa heen leñol maa. Anndu saa wallii leñol maa ko hoore maa mballu-ɗaa. saa walaani leñol maa tan a wallaani hoore maa.

Aan banndam tin-no yiɗ hoore maa njiɗoraa heen leñol maa. Anndu saa yiɗii leñol maa ko hoore maa njiɗɗaa. Saa añii leñol maa tan ko hoore maa ngañ-ɗaa.

Télécharger application, renndo fulbe 

                👇.................👇

            RENNDO FULBE.

Aan banndam danndu hoore maa ndan-ndoraa heen kadi leñol maa. Anndu saa danndii leñol maa ko hoore maa ndanndu-ɗaa. Saa danndaani leñol maa tan a dan-ndaani hoore maa.

Aan banndam tinno e hoore maa tin nono-ɗaa heen leñol maa. Anndu saa tinniima e leñol maa koy hoore maa tinniɗaa. Saa tinnaaki e leñol maa tan a tinnaaki e hoore maa.

Aan banndam tinno suur hoore maa cuuroraa heen leñol maa. Anndu saa suuri leñol maa ko hoore maa cuur ɗaa Saa suurtii leñol maa tan a suurtii hoore maa.

                  FACEBOOK 👇

       PULAAR E PULAREEJE

   

                  YOUTUBE 👇

           

            RENNDO FULBE.

Njimiri hanki e njimiri hannde.

Yimooɓe hanki e yimooɓe hannde. 

       ~  🎸🎸🎧🎤🎵🎶🎷🎺~

So en mbiyi jimɗi hanki, firtaani ko yima noo hanki koo tan, e yimooɓe hanki ɓee tan kaala ten. 

So en mbiyi jimɗi hannde kadi firtaani ko yima tee hannde e yimooɓe hannde ɓee tan kaala ten. 

So en  mbiyi jimɗi hanki e jimɗi  hannde, yimooɓe hanki e yimooɓe hannde kay, njiɗ-ɗen wiyde ɗoon tan ko yiman-nooɓe hanki ɓee, e ɓe hannde ɓee, ne ceerti ko heewi tee ngonaa gootum e fannuuji keewɗi. 

So en njiɗii nih kadi eɗen mbaawi wiyde, ko hanki njimiri ɓurnoo heewde nafoore sibu ko yimooɓe hanki e faarnor-tonooɓe njimiri Hanki ɓurnoo ittande ɗum geɗal mun haa timmi.

ko yiimooɓe hanki kadi ɓuroo yiɗde yimnde Ko ɓeen nii ɓurnoo teddinde njimiri. Sibu ndeen ɓeen kam ena nganndu noo jimɗi e njimiri koy aada e cosaan men jeyaa koy finaa tawaa men jeyaa.

ENA ƁEEYDA PINAL ENA ƁEEYDA KADI HAY GANNDAL. 

Ɓeen njimirtaano batte kaalis walla  faaro e  yiɗde yiyeede Ekn.. yimooɓe, ndeen ena teddin noo ko mbaɗata koo ena ngittan noo ɗum geɗal mum haa timmi. 

Sibu ena nganndi ena nganndu noo ko jaŋnginooɓe ko ñembateeɓe ko ñeemtinteɓe, ko finndinooɓe,  ko anndi-nooɓe. Ena nganndi suhaaɓe e mawɓe fof ne keɗoo ɗumʼen ne ndaara ɗumʼen ne keɗtoo ɗumʼen. 

Yimooɓe ndeen  ko ɓamtooɓe pinal kadi ngon noo, ko ɗuum nih saabii mbiymi ko hanki njimiri jimɗi e yimooɓe ɓurnoo ittaneede geɗal mun haa timmi. 

kono hannde kam ellee ɗuum fof gasii, ɗuum fof maayii, ɗuum fof majjii, ɗuum fof firtaama haa laaɓi ɗuum ittaama goɗɗum addaama wattaama ɗoo. ko won noo ɗoo hanki finaa taawaa men ko won noo ɗoo hanki aada men e cosaan men fof yoolaama majji-naama. 

hay goɗɗum ko alanaa en pinal alanaa en ganndal addaama, ɗuum finndin taa  suhaaɓe men anndin taa ɗumen hanki mum’en kono yonta men hannde kam ko ɗuum woni hay faaro mum’en so nii nattaani mi anndaa hol to ɗuum faari en e faari ɗumen. 

Hannde yimooɓe ne keewi sanne kono yiyde heen jimiroowo yiɗde yiyde heen jimiroowo finndinde Yiyde heen jimiroowo anndinde jimiroowo waajaade, yiyde heen jimiroowo ɓamtude leñol, yiyde heen mo yimiraani jawdi yimiraani kadi yiɗde tineede ɗuum kam hay so ina woodi heewaani yiyde ɗum kadi kam weeɓaani. 

Sibu hannde kala jimoowo mo alaa amooɓe, woppooɓe terɗe mum’en fof e boowal oon kam wiyata ko haydara waɗaani oon wiyata ko haydara alaa, haydara heɓaani oon wiyata ko anndetaake kadi halaa mun haaletaake e rajooji e teleeji. innde mun winndetaake e Internet Facebook, whatsApp ekn… 

yimooɓe hannde finndinnde kam wonaa  haaju mum’en, waajaade kadi umminaani ɗumʼen. Hanki men ɓe njejjitii ko ɓooyi, kamɓe e ardiiɓe en hannde ɓe ɓuro ndiraani haydara e mum’en. 

Ko koye maɓɓe tan ɓe ngon ndaa koye maɓɓe tan ɓe ngoƴaa ko hedii koo haaju maɓɓe ena bona heen. 

To facebook  👇

Pulaar e pulareeje

 To YouTube 👇

Renndo fulbe

Jogo WhatsApp goo, ɗiɗi haa tati, taw koy telfoŋ maa gooto.

             ↠HOL KO ƁURI ƊUM WELDE ↞

oɗon nganndi hannde ngon ɗen koy aduna mo nganndu ɗaa so en njiɗii mbiyen hoore mun, e laaci mun fof ko telfoŋ Android.

tee mo wiyi telfoŋ android fof wiya Internet kono kadi hay gooto e men majjaani wonnde kala jiɗɗo naatde e internet. 

ko maa sooda «connexion» ko ɗum nih saabii hannde jahjaaɓe heewɓe jooɗaade ñaamaani ñalawma kuur ɗo ɓurani ɗumʼen jooɗaade ngalaa Internet. 

So ɗuum yawtii, hannde kam kala telfoŋ mo alaa «connexion» alaa internet, oon telfoŋ ɓuro ndiraani e poos mo alaa kaalis, sibu poos mo alaa kaalis kam ene famɗi nafoore telfoŋ mo alaa connexion Kadi ko noon way. 

Ɗum fof e waade noon haaɗaani ɗoon tan sibu hannde kam kala jogiiɗo Connexion  taw alaa kadi WhatsApp way kono haydara joomum alaa nih. 

Hannde kam koy aduna WhatsApp wonaa ko heen telfoŋaaji nodda tee ko heen yeewtatee ko heen batuuji pelle fof mbattee. 

wadde noon  hannde kam nafoore WhatsApp famɗaani. so en njiɗii nih mbiyen jom telfoŋ fof hannde ne joogii ɗum.

Kono hoto njejjiten wonnde alaa e men fof jogiiɗo numero gooto hay so ɗum ena woodi e men hannde kam heewaani.

Ko ɗuum saabii hannde njiɗɗen yeewtude. 

Ko hol no neɗɗo waɗata haa waawa huutoraade numeruuji mum fof e WhatsApp.  

hol no joomun waɗata haa jogoo heen Watsaɓuuji ɗiɗi haa tati. Taw koy telfoŋ mun gooto. 

Hannde kam ɗiin applikaasiyooji ne keewi no feewi kono ɗi potaani. 

Ɓurɗi heen maantindaade(ɓayde) ɗii fof miin ko diidol boɗol tan  mbinndumi heen. haɗi nafa kono ɗi mbelaanimi sibu wonko ɓuriɗi moƴƴude. 

ko ɗii garooji les ɗoo ngoni ɗi binndumi

                           (rouge) 

mami addu heen daliilu mun Kadi. 

daaliilu mun tan ko yimɓe ɓee, fof potaani doole potaani mbaawka won yimɓe waaɓe no am nih kañum en mbaawaa sooɗde ñande fof connexion Internet taw ENA yaha e fof ko wayno Google, YouTube, Ekn.

So tawii ko connexion baawɗo yaade e réseau sociaux.( Passe réseau sociaux)

Oon paas waawa yahde o marsataa e applikaasiyooji gonɗi e naatal (photo) gonngal dowɗoo ngal  mbindumi binndi boɗeeji ngal. 

wadde noon ɗuum firti ko nafoore majji huftidinaani, ɗi njaha taa e fof. 

Enen wonaa ɗuum ɓurani en wonaa ɗuum cohlu ɗen, wonaa ɗuum kadi waɗata en arrangé. 

Enen kay waɗata en arrangé tan ko application jahoowo e fof tan Ko wayno 

trois application ɗi kollatmi on les ɗoo ɗii...                      👇👇👇

Ngadortoomi ko WhatsApp mo yimɓe ɓee fof nganndi oo, mo yimɓe ɓee fof njogii o, walla nii mbiyen ko ɓuri heen heewde. 

        👇👇👇

1- WhatsApp: ñoƴƴu e binndol boɗowol he mbaɗaa telecharger.↓

→ WhatsApp (1)

    mi reftina heen kadi.

      👇👇👇

2- Wa Business : ko ɗuum woni innde makko kadi no innde ndee, waynii ko ɗuum o waɗiranaa gollooɓe gila e yeeyooɓe Ekn... 

kono kam belaaɗo fof huutorto. 

 ñoƴƴu e binndol boɗowol he mbaɗaa mo telecharger.↓

→Wa Business

cakkitortoomi mi gaynira ɗum ko 

     👇👇👇

1- GB WhatsApp : application baɗ-ɗo faayiida no feewi kadi belɗo huutoraade, sibu miin mbiyatmi koo ɗooñoo tan kala mbaadi ndi ( couleur)  njiɗ-ɗaa ko ndiin mbattaamo. 

Rouge, noir, blanc, Vert, marron, jeune bleus. EKN..... 

ñoƴƴu e binndol boɗowol he mbaɗaa mo telecharger.↓

↠GB WhatsApp

Kala connexion mbaawɗaa jogaade

aɗa waawiɗi hootoraade. 

Kono Tesko ɗee numero fof ko (Compte) gooto WhatsApp waawi jogaade, so aɗa yiɗi hootoraade. Kañƴi fof maa njongo ɗaa trois numéro différent. On njaaraama. 

Tawee min to Facebook👇👇

Pulaar e pulareeje

 To YouTube  👇👇

 Renndo fulbe

          Suivez-nous sur Aptoide et télécharger nos application et beaucoup d'autres  RENNDO FULBE STORE

Duuɓi Noogas e joy: (25 ans) wonaa balɗe Joy.

YANO E NJALNIIKA 

Duuɓi Noogas e joy: (25 ans) haɓe ndessondiri ɓe meeɗaa haɓde. 

kadi ɓe meeɗaa  dugdude hay sahaa gooto» ina haawnii ena yurminii kadi ina jalnii. haa maay. 

ko gorko gooto  Jaajaho wonnoo e jom suundu mun.

Duuɓi Noogas e joy : 25 ans Haɓe ndesondiri ɓe meeɓa Haɓde ɓe meeɗaa dugdude hay sahaa gooto»

jooni noon haɓe njogii sehil maɓɓe gooto ɓattiiɗoɓe, ɗuum ena haawi ɗum no feewi felliti naandaaɓe.

hol noɓe mbaɗi haɓe njettiiɗoo, kamɓe 

Ɗiɗo.

Walla hol noɓe mbaɗata haɓe mbaasa haɓde, ɓe mbaasa kadi luurdude tee ko kamɓe ngonndi jamma e ñalawma subaha e kikiiɗe. Ko ena wona duuɓi noogaas e joy.»

Hol ko saabii ko kamɓe tan mbay noon.

« tan gorko oo moosi wiyi" ngaal naamnal kam ko miin njaabotoo ɗum « O wiyi: ko adii fof kam a naamndiima ko ɓooyi, kono mami haalane holto ɗum fuɗɗii e holno ɗum ardi. 

Addi ɗum kono dewgal amen yawti haa ɓooyti seeɗa, min njaadi njillu salminoyde mawnam gooto nde min njettii toon nde wonnoo oon ena heewi pucci no feewi. 

jom jomsuudu am oo wiyi" ko maa jannga mbaɗɗu puccu hade amen hootde nokkuuji amen. 

jooni noon ɓe mbaɗɗi nimo puccunguu liɓimo o woyaani o woytaaki o gaañaaki o muusaaka. 

«O wiyi" tan ko goo (1) o watti kadi puccunguu  liɓimo gonngol o refti too rewwnoo. 

«O wiyi" ɗiɗi:(2) o watti kadi puccunguu liɓimo tataɓol tan o hocci fetel o fellingu.

«mbiyi moomi hol mo wiymaa yaa fellu puccunguu matee kaa kaangaaɗo. 

«O wiyi" kam minnene goo. (1) gila ndeen haa jooni jeddi walla luural meeɗaani lommbaade hakkude amen,  koo yiɗi fof ko ɗum mbaɗaɗmi ko haali fof mbiyaɗmi ko eey, alaa  kam wontaa lombo hakkunnde amen.. Ko nii ɗum yaari.

Tawee min to YouTube 👇

       Renndo fulbe

       

           To Facebook  👇

       Pulaar e pulareeje

Ko sakkitii to YouTube  

       👇

                    Pulaar ene weli

gila fenaande fuunti goonga haa ɓoornii comci mun.

 goonga aanndi e hoore mum, teeli baŋnge mun. 

Mawɗo gooto ganngo meeɗii wiyde

Ñalawma gooto goonga e fenaande meeɗiiɗo hawrude, kamɓe tan ɗiɗo goɗɗo tawaaka tawtoraaka. 

- fenaande wiyi goonga jam waali
- goonga kañumne wiyi fenaande  jam waali, ndeen ɓe calmondiri haa saɗi joofi. 

 -fenaande  jokki heen wiyi  kooni
 ko oo, ñalawma hannde  weli, wulaani haa ɓurti ɓuuɓaani kadi haa ɓurti. 

-goonga ndaarimo ko juuti, haalaani haydara, yehi ndaaroy tawi noo wiyrinii ne woodi arti wiyi  fenaande a haalii goonga ko noon woori hannde kay ko ñalawma belɗo. 

-fenaande joki heen wiyi hay maayo ngoo hannde ena weli, Waddi heen moosaali. 

           (...ɗoon e ɗoon...)

-goonga ndaari maayo ngoo no ndiyam ɗam way deeƴje nii, tawi kadi ko fenaande haali koo  ko goonga ko noon woori dimmbini hoore mun wiyi kadi ena woodi fenaande a haalii goonga.

Fenaande dogi fay e ndiyam he memi ɗam wiyi haɗam ɓuuɓi, haɗam heli lootaade. 

Goonga foɗii hoolaade fenaande ɓe ɓuurti comci maɓɓe ɓe ngoni e yinaade, haa ɓooyi seeɗa tan fenaande yalti e ndiyam he ɓoornii comci goonga, yehi laawol mum.

Nde goonga yalti roŋki ɓoornaade comci fenaande, woni e yaade alaa comci, jiiɗo ɗum fof soornoo yimɓe ɓee fof ndogi ɗum.

sibu ko ɓanndu meeru goonga heddii, goonga aanndi e hoore mun alaa feere wonnde wattindii ko naaaɗde e woyndu heɓi toon heddii toon kañum gooto. 

Ko ɗuum saabii gila ndeen haa hannde, yimɓe ɓuri yiɗde e yaawde jaɓde ko fenaande, yimɓe ɓuri horsinde ko penoowo, ko fenooɓe hannde njogii heɗatooɓe, sibu ɗaminaare. 

Hannde so goonga e fenaande ena kaɓa heewɓe heen ko fenaande keedanta sibu ko fenaande ɓurani ɗumen goonga laaɓɗo cer.... 
  
   YouTube 👇

Rendo fulbe

Facebook 👇

Pulaar e pulareeje

Télécharger rendo fulbe👇

Renndo fulbe application

  Njalniika: Demba e Bojel.2sTV 
Njalniika pulaar

Libye hadafi bone ficcat laaci

Libye Mohammaat Hadafi yehii.

        (...bone ficcat laaci...)

añɓe bonɓe bonnooɓe, ñifooɓe jam kuɓɓa fitinaaji, fenooɓe fuuntooɓe ene mbaawi weltaade luuka, ngama poɓɓa kelle, ngona kadi e leewaade, e leewtaade haa kaɗa kadi heewɓe ɗaanaade. 

mbiya keɓii sago mum’en, mbarii gaño mum’en poolii kadi kaɓdiiɗo mum’en, keɓii poolgu kolla aduna oo, fof weltaare mum’en. 

Sibu Hadafi yanii, yehii maayii, nde tawnoo wonnoo ko gaño mum’en 

Kono hannde kam, sinno tan ko woli wonnoo heewɓe maa pirtu bannge mum’en. 

Hadafi yehii wontaa artude ko goonga kono hay gooto e maɓɓe wiytaa leyɗe "libi" hannde ɓuri walla samori, nde hadafi laaminoo ndee.. 

So wonaa tawpere e ngaanumma alaa koɓe ɓeeydani libinaaɓe kame hoɗdiiɓe mum’en. 

pulaar wiyi" Hade wutte fonndeede e jullaare yoo taw joomum tawaaka

"dawde bonngol kam welaani kono ena weemtina. 

ɓeen yiɗnooɓe hadafi woppa laamu yaha, ɓeen wiynooɓe, caɗeele libi fof ko hadafi, so o yehii fof maa rew laawol, so o yehii fof maa feew, fof maa feewne, caɗeele libinaaɓe fof maa cafre, ñawɗo fof maa sellu, baasɗo heen fof maa alɗu. 

Foof tan so renndii renndinaama ko fenaande mehre tan wonnoo, ko bonnude "libi" tan ɓe njiɗnoo ɓe keɓii, ɓe mbaɗii, kadi ɓe mbariimo o maayii, gasiii o yehii. 

Hadafi yehii kono kam haajooni  libinaaɓe e hoɗdiiɓe mumʼen nena ngoya deƴaani. 

Sibu gila nde hadafi waraa, maayi yehi, o yahaani gooto o nawori leydi "libi" haajooni artaani. 

Ko gila e nguurdam makko ɓe kuɓɓi

 Jeeyngol, hannde o maayii kono kam haajooni haɓena mbadda e maggol ngol ñifaani.  

hare waɗi haajooni ɓe ceertaani 

Yimɓe ena mbaree, ena mbarondira ɓeya ena maaya,  ɓee ena ngubbee haajooni ngasaani. 

ɓe mbi'a nooma bone ficcat laaci ɓe nani kono heewɓe heen nde wonnoo ko fuuntaaɓe kedaa e Hakkillaaji mun, gila hanki taw hannde araani ɓe njaɓaani. 

Gila ndeen haa hannde jam ne yilee jam ne ndaartee toon, kono kam haajooni artaani. 

Luural waɗi toon leydi ndii jiiɓaa njiiɓii, haajooni jiiɓtaaka jiiɓtaaki. 

ɓe mbiynoo koɓe tampii ɓe kaastii hadafi, kono jooni ɓe njeewniimo haɓe njiyloo hono makko gila hanki haa hannde ɓe njiytaani ɓe keɓaani

Hadafi aduna oo, fof ne seeɗta nii ɗum ko Laamɗo jiɗɗo jiɗnooɗe leydi mun yiɗi Afrik wonnoo, kono hannde yeehii artaani artataa. 

Gila ndeen haa hannde Afrik foof nimsi ne woya haajooni deƴƴaani. 

Laamɓe e yiɗɓe laamaade hannde ne keewi pamɗaani kono kam hono hadafi hayso ena heen heewaani. 

Jaabaraagal, nuunɗal, pellital yiɗde leydi mun Hadafi ko fof nawdunoo haydara woppaani. 

Miin haajooni meɗa woya Hadafi mi deƴƴaani..  

Telfoŋ maa hoto hoolo heen hay gooto

Hoto hoolo hay gooto haa ɗaldaa ɗum telfoŋ maa. 

Enen Fulɓe, eɗen ngaadorii wadde e jaɓde won heen geɗe, hay so ɗuum welaani en, feewnitaaki en walla nih en njiɗaa ɗum, haɗataa en wadde sibu gacce men, sibu Teddungal, e sibu ittannde en neɗɗo fof e yimɓe fof geɗal, en njiɗaa hay gooto jogoo walla yiya emen, ko welaani ɗum, feewnitaaki ɗum ekn…

En njiɗaa kadi innde men bona en njiɗaa nantude e men ko welaani en ɗuum kadi ena jeyaa heen. 

Ko ɗuum saabii eɗen njaɓa geɗe keewɗe, eɗen mbaɗa geɗe keewɗe fof tan mbele yimɓe ɓee, ne jogoo e men yiyande moƴƴere, njaggira en junngo ñaamo, mbaasa jaggirde en njunngo nano, ɗuum ene moƴƴi no feewi ko goonga. 

Ko ɗuum saabii ko jiɗmi haalde koo firtaani yoo en pirtu jikkuuji men natten wonde yimɓe muñooɓe, kadi natten wonde yimɓe newiiɓe alaa so tawii ko noon paamir ɗon haalam miin wonaa ɗum mbiymi kadi wonaa ɗum njiɗmi wiyde. 

Miin njiɗmi wiyde tan ko yoo en ndeeno, ndeento ɗen kadi ndeenen telfoŋaaji men e juuɗe won heen yimɓe, sibu telfoŋ ko sirluuji men ngoni heen wadde ɗum foti wonde ko sutara, ko cuurɗen heen koo en potaani jaɓde  hay gooto suurta ɗum

sibu wonaa enen tan ko yimɓe ɓee, fof alaa fof hannde biyoowo ko woni e telfoŋ mun koo yiɗi ko yimɓe ɓee,  fof njiya, alaa  e men fof biyooyo ɓatakuuji(sms) ɗi winndata e ɗi winndatee ɗii fof yiɗi ko yimɓe ɓee fof njiima heen, yimɓe ɓee, fof kumpi too ɗum, walla yimɓe ɓe noddata ɓee, e noddooɓo ɗum ɓee, ko haaldata e mumʼen koo yiɗi ko yimɓe ɓee fof keɗoo ɗum, oon neɗɗo alaa. 

Somi wiyi" hoto en koolo hay gooto haa ɗalden ɗum telfoŋ men ena waɗa ko welaa pawmi ɗum koto laaɓi, ko goonga nih ko ɓuri heewde e yimɓe wiyooɓe en uddit telfoŋ maa luɓaami mi ndaara alaa heen jogiiɗo yakaare bonnde walla miijo bonngo, Sibu kañum en ko fotoojo men e vidooji, ekn.. njiɗi ndaarde kono wonaa yimɓe ɓee fof njogii ngoon miijo, wonaa yimɓe ɓee fof mbayi noon wadde noon, ko pulaar wiyata koo tan 

« ena ŋata, ŋatataa fof kam woɗɗinde junngo mun ɓuri»

Ena gasa wonnde taw ko gooto gooto e men tan anndi ɗum kono kam ena woodi aplikaasiyoŋaaji (application

ɗi neɗɗo waawi wadde installer, e telfoŋ maa e nder hojomaaji Sappo ( dans 10 minute) tee so joomun waɗii ɗum heen so a yiɗii ngummo ɗaa Fuuta jaadaa e telfoŋ maa Farayse, kala nedduɗoma telfoŋ walla aan nodduɗaa ɗum so joomun welaama ne waawi heɗaade ne waawi kadi heɗtaade nde welaa fo ene weldiraa fof. hay ɓatakuuji maane ko noon nde welaa fof jiimat heen taw ko telfoŋ mun tan huutortoo wadde ndeeno ɗen ndeento ɗen. 

 

Politik ko pene tigi

Politik so wiyaama ko pene tigi ene woodi ko goonga jeddi ngalaa heen

sibu baɗoowo politik, (gardiiɗo o) e waɗooɓe politik,(rewɓe heen ɓe) fof ko gootum haydara seertaani.   
    
    ↦Hoore woɗɗaani daande↤

wonaa yiɗde, wonaa nuunɗal so en njiɗii mbiyen nih wonaa kadi hay hoolaare, alaa heen fof ko woni hakkunde maɓɓe so wonaa ɗaminaare mehre. 

ko ɗum saabii jamfa kam ne heewi  naaɗde hakkunde maɓɓe, watti-ndoo  bonnude hakkunde maɓɓe, 
      
        (...KO ƊUUM SAABII...)

ɓeya ngona heen sehilaaɓe hannde ngona haɓdiiɓe janngo. 

ɓeya ngona yiɗondirɓe hannde ngona añondirɓe janngo. 

ɓeya too ngona welduɓe hannde kadi janngo hakkunde mumen bona.

ɓee ngona yaadiiɓe hannde ceerta kadi janngo. 

ɓeya too ngona mantooɓo, taw ko kadi ko maantiiɓe janngo to moolii. 

ɓeya ngona mantondirooɓe kono taw kadi ko maatondirɓe, ko ena ngaybondira janngo.  

gooto heen fof ne sikka, gooto heen fof ne wiya, gooto heen fof kadi ne anniyii wadde, gooto heen fof ne waɗi e ɓernde mun, ko kañum heedi e damal kadi ɓuri ɓadaade damal. 

So fof wayaani  no poti waade, so fof rewaani, ɗo foti rewde, kadi ko daminaa heen koo fof so heɓaaka kañum kam yeltataa heen junngo ɓolo yaltit-taa heen e koyngal kelngal walla junngo helngo. 

sibu so wuuriima tan(parti o) kañum fadataa haa yana e hoore mun, yahat yaltat, heen haalaaɓa gila ena njogii koyɗe. 

heɗdoo ne wiyee kaari, kay woppii kaari, kaari kay jamfiima kaari en ekn…

ɓe njejjita gooto fof ko ɗaminaare waɗnoo ɗum ɗoon, gooto fof ko ɗaminaare naaɗnu noo ɗum Heen,  ɓaydi hoore mum yiyaani heen, ena yalta gila ngel mun yoolaade heen.

Jamfa kam ko jamfa tan kono kam won e janfaaji hay gooto haanaani betteede heen, hay gooto haanaani wiyde koko bettaa heen. walla koko janfaa heen.

sibu ko maa jamfa waɗata tan nde jamfiiɗo oo,  wooda ko heɓi heen. jamfaaɗo oo, wooda kañumne ko waasi heen.

Tawee min to youtube 

Denɗiraagal

NJALEN SEEƊA.....) 

ko jaajaho gooto, e yetta sal gooto ndeggo-ndirnoo, ne njaha juuloyde jumaa, ndeen ɓe njehii haɓe njettii jumaa.

Alla waɗi ko kamɓe naaɗdi juumaa o, kono ɓe nden ndaani hay sappowol, jaajaho oo, darii koy sappol ɗiɗaɓol, yetta sal oo, kam kañum koy tataɓol darii

ndeen ɓe njuulii haɓe ngayni yelotooɓe ɓee. ngunmii, ngonee wadde no ngoowi wadde nih. 

heen jelotooɗo gooto ari to yeeso jaajaho ɗoo ndeen jaajaho oo, waɗi junngo mun e poos o yaltini toon Noogas(100fr) too wiyata hamo rokka njeletooɗo oo, tan taw yette sal oo, ne wonnoo caggal makko ɓaaƴimo rokkimo ujunnaaje ɗiɗi(10000fr) ɗuum ɗeɓi haawdemo no feewi kono kam o haalaani haydara,  o fawi heen Noogas makko ɗii, o sakkii ɗum njelotooɗo. 

ɓe ngummii ɓe njalti, jaajaho oo, ne heppa koɓe ɓennata damal ngal taw noddi yetta sal o, hamo naamndoo ɗum. 

Kañum kam Hol ko addani ɗum sakkaade ujunnaaje ɗiɗi. (10.000fr) ɗoon e ɗoon oon wiymo alaa kañum kay  sakkaaki 10.000f) 

Kadi sakkaaki hay mbuuɗu, gooto ujunnaaji ɗiɗi ɗe tottimo ɗee, ko nde o waɗi junngo makko  e nder poos makko, hamo yaltina toon kaalis ndee ko ndeen 10.000fr o saami, kañumne hocci rokkimo. 

ɗoon e ɗoon ɓe ñoofondiri ɓe ngoni e Haɓde, miin kam njaami laawol am gila goɗɗum tawaanimi toon. 

kono kam mi nanii e kolse bamɗi wonnde haa jooni haɓena toon kaɓa ɓe ndonkaama yoɓe ceertu. 

Tawee men to facebook.....) 
PULAAR E PULAREEJE

To youtube

Renndo Fulɓe

                   
                 

Gooto fof yoo waɗ fodde mun

 meeɗiino wadde sahaa gooto. 

yimɓe nayo, gooto heen fof ene noddiree, kadi ene nootoroo «yimɓe fof» neɗɗo gooto, neɗɗo fof, e, hay gooto, ena woodnoo golle baɗɗe faayiida keewɗe  nafoore poɗnooɗe feewneede, yimɓe ɓee fof mbiyaa yoo peewnu ɗum,  yoo ngollu ɗum. 

yimɓe ɓee, fof ena njena-naa kadi ene laaɓaa maa wood gooto e maɓɓe peewnuɗo ɗum. 

Kamɓe fof ɓe cikki ɗum, gooto fof ne wiya tawan goɗɗo oo, gollii ɗum feewnii haa feewi. 

Kono goonga e goonga hay gooto memaani ɗum, gooto e maɓɓe fof ɗo jooɗi noo ummanaaki ɗum. 

Gooto heen tini ɗum mettini heen no feewi sibu ko golle yimɓe fof wonnoo kono hay gooto gollaani ɗum… sibu golle ɗee ne njawnii ko ɗuum saabii gooto fof cikki golle ɗee goɗɗo gollii ɗum, kono goonga e goonga hay gooto gollaani ɗum. 

Golle ɗee gooto e maɓɓe tan ena waaw-noo feewnude ɗum golla ɗum, kono hay gooto e maɓɓe miijaaki alaa e maɓɓe fof golloowo ɗum. 

Ɓe mbatti-ndii ko happo-ndirde gooto fof ne wiya goɗɗo oo, waɗaani fodde mun, gooto fof ena wiya goɗɗo oo, aan kay aɗa waaw-noo feewnude ɗum Hol ko haɗ-maa gollude ɗum. 

 KONO E HAKKILLAN-TAAGAL.... 

taw hay gooto happaani goɗɗo oo, taw hay gooto faawaani e goɗɗo ko foti fawde e hoore mun, hay gooto cikkaani e goɗɗo ko foti fellidde waɗa kañum e hoore mun. 

 moƴƴan-no so tawiino gooto fof ena waɗa fodde mun taw sabbaaki e goɗɗo fadaani e woɗɓe, waasa yaakoraade kadi so woɗaani fodde mun maa goɗɗo waɗ-ɗum. 

Sibu  kala to cikku ɗaa, maa wood mo taw ɗaa hay gooto a heewaani tawde ɗoon. 

ko noon ne kadi ko cikku ɗaa so a waaɗaani maa wooɗ baɗɗo, hay gooto heewaani ɗum wadde sibu ko cikka taa e ko cikku ɗaa koo heewɓe ko ɗuum cikkata. 

So mbaɗaani aan kam maa wat-ɗum ko ɗuum saabii hay gooto waɗaaani ɗum feewnaani ɗum hay gooto  gollaani ɗum. 

MAMI NELDU NGOO ƊOO MIIJO YIMƁE  ƁEE FOF. MBELE GOOTO FOF ENA NELDA ƊUM GOƊƊO OO. TAW HAY GOOTO YEJJITAANI HEEN HAY GOOTO. 

Galo ganndo baasɗo Moƴƴo e bonɗo fof ko ɗoo mbattin-too.

baamuule men hannde keewi yimɓe sikkaan-nooɓe maayataa hannde maayataa janngo maayataa haa aduna gasa. 

Hay so tawii kañum en ñannde fof ena ngasa ena ngubba, ñannde fof ena njiya yaahooɓe ɓe mbaynaaki yaaɓe ɓe ngartaani.  sibu ɓeen kam ko yaaɓe to artetaake. 

Yimɓe sikkan-nooɓe nguurdam mum’en kam wonaa haŋki wonaa hannde fuɗɗii, kadi wonaa nih hay janngo gasata. 

yimɓe wiynooɓe wiyaɗnooɓe.  yimɓe felliɗnooɓe. yimɓe yenana-nooɓe yimɓe jaggirnooɓe, mayde kam ko nan nanti tan enen fof ken arɓe ko goonga, kono jooni jooni hay  gooto e men wonaa jahoowo. 

Sibu Ɓe cikkan-noo ko kala e men taawaano demal, coñal kam wonaa luutateeɗo.

  

Kala e men tawaaɗo dabbunde koko tawetee ceeɗu,  tawee kadi hay Demminaare. 

ƁE MBIYI 

maayde men e nguurdam men wonaani e juuɗe men,  kono kala ko puɗɗi-ɗen so wonaa gasi haa laaɓi en ngonaa yaahooɓe. 

yimɓe cikkan-nooɓe wonde bonɗo hannde wona moƴƴo janngo, alaa ko foti weeɓde alaa ko foti kadi newaade. 

sibu nguurdam ko laawol kono ena juuti alaa ɗo haaɗi, hay so tawii alaa maayɗo wuurti, laahara alaa jaaɗo addi,  alaa jaaɗo arti.

yimɓe heewnooɓe, wiyde maayɗo fof darnga mun dariima maayɗo fof yooliima majjii maayii. 

Yimɓe Ɓe ceera-taano e wiyde so leewru koorka dariima. MIIN MAAYOORU WARATAA KAM. maayooru nawortaa kam. 

ɓe mbiyi kadi aduna ko garal ngal alaa ruttaade,  ko nguurdam ɗam alaa maayde sibu Maayde, ko haala tan kono alaa jahoowo. guurɗo fof komo meeɗaani meeɗa-taa Maayde. 

Kono hay Kamɓe ɓe njehii ɓe ngartaani, ɓe ngarta-taa ɓe meeɗa-taa artude sibu ɓe njehii to artetaake. 

Golle maɓɓe ngasii,  defte maɓɓe keewii, nguddaama wonaa ko moƴƴi, wonaa ko boni alaa fof koɓe mbaawi ɓeeydude heen. 

kono alla ko jurmo tooɗo jaafo tooɗo wadde yoo Alla yurmoɓe yaa fooɓe kamɓe e denndaagal maayɓe juulɓe kala.
         

Kono miin e maa, e goɗɗo e woɗɓe

Haa jooni eɗen poofa, eɗen nguuri eɗen celli, wonɓe ɓe keɓaani ɗum. 

        

Won wuurɓe ɓe cellaani meeɗaani

Sellude, won wuurɓe kono kadi ko 

wumɓe, ena njogii gite kono ngonaa yiyooɓe. 

won wuurɓe no nguurdumi nih, no nguurdu ɗaa nih, kono ko muumɓe, mbaawaa haalde Hay haala men ngonaa nanooɓe. 

Hol ko haɗi en miin e maa wayde no moƴƴi. 

Hol ko haɗi en haɗata en wadde ko moƴƴi. Waade no moƴƴi E wadde ko feewi. 

Hol ko haɗi en rewde e laawol poocingol ngol selaani selmbaani

Hol ko saabii miin e maa, kala ko feewi, kala ko moƴƴi, mbiyi ten ko haa janngo mbaɗen, so janngo arrii kadi mbiyen haa janngo ellee en ngan-ndaa ellee en njejjitii.

aduna ñiɓaaki koko ɓaarii, ellee en njejjitii nguurdam men wonaani meeɗaani wonnde, e juuɗe men, ko arata janngo en ngan-ndaa to janngo tawata en eɗen kumpaa. 

Wadde kala ko poɗɗen wadde e moƴƴere hannde hoto pawen ɗum e janngo kala ko mbaawɗen wadde hannde e moƴƴere hoto mbiyen haa janngo sibu janngo koy junngo Alla woni… janngo ko Alla tan anndi holto tawata en.. 

     Facebook 

Pulaar e pulareeje 

  

    YouTube 

Renndo fulbe

KO GOLLE ƁURI HAALA

Haala ɓola wallataa, Haalde ko
wattaa ɗuum kam Haydara firtataa 

Kala ko neɗɗo ena haala yoo haal ko Waɗata. 

kala ko nganndu ɗaa so a haalii  a waɗataa a wonaa baɗoowo,  tinno woto haal, sibu saa haalaani haydara bonnataa. 

so yimɓe ena kaala, walla kadi ena kaalda yoo kaaldu goonga. 

So yimɓe ena kawra yoo kawru kadi e dow goonga. 

so yimɓe ena mbelda yoo mbeldu kadi e goonga. 

Hayso yimɓe ena kaɓa yoo kaɓ e dow goonga. 

sabu kala ko wonaa goonga koko firto-too ko goonga tan wattinta...


Renndo Fulɓe
    Telegram


       Facebook
Pulaar e pulareeje

     Renndo Fulɓe
        Youtube

Neɗɗo fof ne foti reenaade reentaade.

GUURƊO FOF KO MAAYOOWO

      «...Wadde Ena foti....»

reende e reentaade ko heewi. 

E noppi maa,  nofuru maa wattu heen Hakkille maa heɗo  heen heɗtoro heen ko moƴƴi sabu janngo fof kam kaa naamnde-teeɗo.   

E gite maa yiytere maa ndaar heen ndaardu ɗum ko moƴƴi sabu janngo fof kaa  naamnde-teeɗo. 

E ɗemngal maa haal heen haaldu ɗum ko moƴƴi sabu janngo fof kaa naamnde-tooɗo. Hoto haaldu ɗum kaa yiɗaa haal-toyde janngo. 

E junngo maae juuɗe maa gollir ɗum gollirɗe  ko moƴƴi sabu janngo fof kaa naamnde-teeɗo. 

Hoto ñamlir juuɗe maa kaa yiɗaa yoɓeede a yiɗaa yoɓoyeede janngo

E koyngal maa koyɗe maa yaaru heen yaaru ɗum ko moƴƴi sabu janngo fof kaa jaŋtatooɗo. 

Kala ko mbaɗɗen hannde ko ɗuum tawoy ten janngo. 

Kala ko ngollu ɗen hannde ko ɗuum

Njoɓete ɗen janngo. 

Yoo Alla rokku en wadde ko moƴƴi

mbele eɗen tawoya ko moƴƴe. 

yoo Alla rokku en gollude ko moƴƴi mdele eɗen tawoya joɓdi moƴƴiri. 

yoo Alla rokku en no tinnori ɗen

E koye men Aamiin...... 

Aduna kala mo ari heen ɓenna taa taw gite mun mbeddaaki gonɗi.

Aduna kala mo ari heen ɓenna taa taw gite mun mbeddaaki gonɗi. 

Ngar ɗaa kaɗa woya njaɓɓire ɗaa jaleele, so maayde arii nduusire ɗaa bojji sibu a yehii a artaani a artataa.

Tampere e caɗeele ɓurɗe mawnude e nguurdam, ko nguurdam aduna e hoore mun. 

Nde pinɗaa fof aɗa haɓee, mbele aɗa wona, aɗa haɓee mbele aɗa heɓa kaa alaa, aɗa haɓee mbele ko njogi ɗaa koo ina wooda ko ɓeeydii heen wooda ko ɓeeydaa heen, kadi wooda ko ɓeeydu ɗaa heen. 

aɗa heɓa, aɗa waasa, aɗa foola, kono won sahaaji aɗa foolee. 

Aɗa Muusaa, aɗa tampi, won heen sahaaji aɗa woya a deƴƴaani. 

aɗa momta gonɗi maa hay gooto a hollaani, hay gooto a haalnaani. 

Kowoni e yeeso maa kam e goonga nanndaani haydara jiidaani, hay so heewɓe njiyaani. heewɓe kadi nganndaani. 

(C.S.B.S

Yonta men hannde

Yonta men hannde 

kala kaaloowo goonga  jooɗtoriiɗo goonga alaa heen geɗal, sibu so noddii hay gooto noototaako. 

so haalii hay gooto heɗotaako, sibu jooni koy aduna ɗaminaare ngon ɗen koy aduna yawre ngon ɗen. 

Hay gooto yiɗaa kadi hay gooto yonndinaaki e ko jogii koo, jooni Hakkillaaji men ngoni koy goɗɗum eɗen mbaawi wiyde ko ɗuum nii saabii hannde Kala ɓurɗo waawde fennde ko oon ɓurɗen waawde heɗaade e hettaade ko caggal mun ɓurɗen  heewde rewde… 

ñannde fof ena haala ko waawaa ñannde fof ena haala ko waɗataa, ñannde fof ena haala ko wonataa. 

Kono nde wonnoo joomun ko haalata koo fof e heewde wiyaani heen hannde, wiyaani heen janngo yimɓe ɓee fof ne njaadi heen, hay so tawii ko ɓuri heewde heen ena nganndi wonataa waɗataa, kono ɗaminaare woppataa gite men en muɓɓittaa goonga en ndaara taa en ndaarta taa. 

PULAAR WIYI" ɗaminiiɗo maayata koy damal suudu penoowo.

 

Salaade aadi ɓuri firtude aadi sibu kala pirtoowo aadi oon kam ko ñaamoowo jiiba......... 

Moƴƴo fof hannde ko ɗaayɗo

Hol fof ko saabii hannde moƴƴo fof jaggirtee ko puuyɗo kaangaaɗo. 

Hannde So tawii kaa neɗɗo moƴƴo ɓernde, kaa neɗɗo moƴƴo jikku. 

kaa neɗɗo jurmotooɗo, kadi kaa neɗɗo laaɓɗo reedu. 

kaa neɗɗo balloowo yimɓe ɓee fof walla ko ɓuri heen heewde. 

kaa neɗɗo newiiɗo kadi newaniiɗo yimɓe fof ko aldaa e paltoor. 

kaa neɗɗo gittanɗo neɗɗo fof e yimɓe ɓee fof geɗal. 

kaa neɗɗo goongiyaŋke. 

kaa neɗɗo jom konngol kala ko kaal ɗaa kaa baɗoowo, a fenataa,  a fuuntataa, a jamfotaako hay gooto. 

kala kadi neɗɗo ñaagiiɗoma so tawii aɗa jogii kaa dokkoowo, so tawii aɗa waa-wani ɗuum huunde kaa baɗoowo. 

kala ko mbaaw ɗaa kala kadi ko njogiɗaa ko aan e bannde en fof ndenndi ko aan e yimɓe fof ndenndi hay gooto a faltaaki . 

Kala ko mbiye ɗaa, walla mbaɗe ɗaa kaa muñoowo. So a wiyaama ko boni njaabo ɗaa heen ko moƴƴi.

so tawii kadi a  tooñaama hay saa yaafnaaka njaafoɗaa, nde wonnoo kaa jaafotooɗo sibu aan  a wonaa janfotooɗo. 

Yimɓe ɓee fof njaggirtu maa ko kaangaaɗo, yimɓe ɓee fof njaggirtu maa ko ɓoccoonde. Yimɓe ɓee fof njaggirtu maa ko a  neɗɗo pamaro Hakkile, walla nih neɗɗo mo alaa Hakkile. Ɗaayɗo, puuyɗo, 

Mbele Internet gratuit ne woodi

Internet taw hay mbuuɗu a yoɓaani

nde welmaa fof ene weldu maa fof. 

Ene gasa wonnde taw a meeɗaani wittude, ko fayti e ɗum walla hakkille maa meeɗaani arde heen kono kam a wiyataa a meeɗaani nannde haala "connexion gratuit" ene haalee.. 

Hol ko ɓuri ɗum welde nattude sooɗde connexion ñannde fof teemedere, capanɗe joy walla nii ko ɓuri ɗum, so on keɓii nattude yoɓde ɗum taw kadi eɗen mbaɗa connecté. no weldi en  fof taw hay mbuuɗu en njoɓaani alaa ko kaala ten so wonaa weltaare. 

Sibu Hay gooto e men majjaani wonnde hannde, connexion internet koy nguurdam men jeyaa, haajuuji men e hammuuji men fof ko ɓuri heen heewde ko heen kumtaten

 Ene ɓattondira woɗɗondirɓe ina itta kumpa ene ɓeeyda kadi ganndal  wonande ɓeen yaaruɓe oon bannge haaɗaani ɗoon tan ene gasa taw  ittataa yeeeweende  kono kam alaa jeddi wonnde ina usta yeeweende. 

So a nanii hannde neɗɗo ina wiya meɗa aani, meɗa yeewaa mi alaa ko mbaɗmi Tan tawan joomum alaa telfoŋ android, walla hay so ina jogii telfoŋ, tawan alaa connexion. internet so neɗɗo ena jogii ɗum tan  seertee yeeweende haalaaɓi cer.... 

Facebook, youtube, twitter, viber, e Imo, haa teeŋti noon e WhatsApp. haala mun haaletaake cikkaa ko enen Fulɓe njey ɗum. Jooni kay enen Fulɓe ko whatsapp tan Jamma e ñalawma, subaha e kikiiɗe fof ko kañum facoŋ fedde fof ne tawee heen jooni ken egguɓe, [mbiyimi] kala majjirɗoma hoto tampin hoore maa njiilaw naat e WhatsApp tan. Jooni njiytaa joomun Yoonii..

... Kaleen ko addi en ɗoo koo... 

Ƴeewen so tawii maa en keɓan koye men jaabowol e naamne men ɗee. konii naamne ɗee siforii..

MBELE CONNEXION GRATUIT

taw hay mbuuɗu a yoɓaani ene woodi ena wootnoo walla ene woodi haajooni. 

JAABOWOL MEN HEEN. 

Ko eey ena woodnoo ena woodi kadi haa hannde, tee ɗuum wodat haa janngo, ko goonga nih nattii waade no waanoo haŋki nih, sibu jooni jeyɓe ɗum ɓee.
ORANGE. MOOV. MTN. TIGO. EKN.. 
 ne mbatti heen Hakkillaaji mum’en no feewi sibu ɓe njiɗi ko ittude heen geɗal wuyɓe haa laaɓa cer. 

Kono Ɗuum kam eɗen mbaawi wiyde koɓe tappina koye maɓɓe tan. sibu ko kamɓe e koye maɓɓe ngadii wonnde wuyɓe,  sibu kala e men mbaɗɗo kaalis e telfoŋ mun ɓe mbiyat maa ko ɗoo e balɗe so a huutoraaki kaalis maa  ɓe nawat tee ɗuum haanaani wonnde. 

Connexion gratuit taw hay mbuuɗu a yoɓaani ɓurnoo waawde heɓaade koy application «VPN» 

Walla mbiyen aplikaasiyoŋaaji biyeteeɗi VPN.. Ko wayno. Slow dns. Finch VPN. E raɓɓiɗinaade haɗi keewi haa maay, kono kadi Ko noon ɗi mbay seertude ko ɗuum saabii won heen baɗooji connexion

gratuit won heen ɗi mbaɗataa hannde kam nih keewɗi heen mbattaa, kono nde wonnoo fof wonaa gootum wadde gooto emen fof ena waawi etaade huutoraade ɗum ndaara so tawii maa yaa walla yahataa. 

Mami wat vidooji (2) les mbele mbaawon ndaarde heen Hol no ɗum yiylortee e hol no ɗum waɗirtee....

MEƊA SIFTINA ON TAN MI WIYAANI KALA E MON BAƊƊO MAA HEEƁ CONNEXION GRATUIT Walla kala e mon njiiliiɗo maa yiytu MBIYMI KO YON MBAT. Essayé. tan

Sibu hay miin wonaa ñande fof keɓatmi ɗum kono mi meeɗaani aamde heen. Njiilo ɗee tan maa met nde njiitu ɗon maa meet nde keɓ ɗon on njaaraama.

Slow dns

 
         Facebook
Pulaar e pulareeje

    YouTube
Renndo fulbe

YANO E NAAMNDAL.

ko ñalawma gooto wonnoo, jaajaho

Gooto, meeɗiino Waalde ladde… 

walla mbiyen waalde caggal galle.

Nde weeti o arti galle makko, jom suudu makko. Naamndiimo kaŋko kam hol too Waali haŋki nde o yahata o waynaaki kadi hay gooto o wiyaani ladde koo baaloowo o wiyi" o Waali ko galle sehil makko sibu o yahno toon hiirde ŋoŋɗi keptiimo  o tinaani o tintaani  o ɗaaniii, ɓeen ngañi finndin-demo ko ɗuum deee waalnimo toon. 

Debbo o fawtaani heen konngol deƴƴi wiyaanimo haydara fay nder suudu mum hocci telfoŋ mun. 

Woni e noddude sehilaaɓe makko ɓattiiɓe ena naamndoo ɗumen heen sappo gooto e mum’en fof wiyi" ena woodi ko goonga ko galle mun o Waali haa weetii. 

Njoyo heddiiɓe ɓee, kadi gooto heen fof wiyi ko goonga ko galle mun o waali kadi haajooni hamona

Toon ɗaanii o suwaa taw finnde. 

Miin kam mi fadaani goɗɗum ko ɗoon e ɗoon njaami laawol am. 

Onon e yiyannde mon hol e maɓɓe

jeyɗo goonga walla hol e maɓɓe ɓurɗo waawde fennde on njaarama

Mo aduna fuunti fuuyii

 Mo aduna fuunti haa yejjiti hoore mun, yejjiti haŋki mun fof fuuynii hoore mun. 

Ɓaaleeɓe ɓooyii yaweede, ɓooyii ndaardeede e heeɗneede baŋnge nano ɓooyii hay fuunteede, en ɓooyii fiyeede en ɓooyii woyde en ɓooyii woyneede, momto-noowo en Gonɗi men gila haŋki, haa hannde haa jooni. haa janngo en keɓaani. 

Hannde ko ɓuri heewde e ɓesngu men ne jaŋngi, kadi hannde ko ɓuri heewde e yonta men ne jaŋnga kono haa jooni gite men ne mbeddoo gonɗi eɗen ngoya en ndeƴƴaani. 

ENEN ƁALEEƁE.

Hol ko saabi ko maa ɓaleejo hono men wiyee  walla ɓaleeɓe tooñee tan enen ɓaleeɓe ndeen-ten ngonen e njinngude walla jinngande joomun Hol ko saabii Ko maa ɓaleeɓe njennee tan ndeen-ten ngonen noɗɗo gooto njinngen. 

Ɓeya pooɗa too, ɓeya pooɗa gaa gooto fof wona e wiyde wonaa, aan wiyaa ko miin wiyaa, wonaa kadi aan waɗaa ko miin waɗaa, wonaa hay aan yennaa ko miin yennaa ko miin tooñaa. 

ENEN LEYƊEELE ƁALEEƁE. 

Hol ko haɗi en renndude e reentude ngonen neɗɗo gooto mbele kadi mbaawen falaade, ɓuri jettoraade safrude.

Pulaar wiyi" ko falaade ɓuri safrude

Hannde Yontii nden-nden ndeenten caloɗen yawaare, caloɗen kadi yaweede hay so tawii en mbaawaa salaade wiyeede, sibu ko mbiyete ɗen koo won heen ko woni e men won heen ko woodi e men, won heen ko tawetee e men. 

mbaasen heɗaade halullaaji añɓe en ngañi finaa tawaa men. bonniti huunde fof emen taw alaa fof ko mbaɗiri ɗum, alaa fof ko mbaɗirta ɗum,  so wonaa firtude fof men.  keeda en e Hakkillaaji men mbele ene ngona gite ɗe ndaarda ten ngona noppi ɗi nanirten ngona kadi Hakkile mo miijorto ɗen. Keeda en e fof men.

Ɗuum hotonjaɓen saloɗen, hoto woɗeeɓe ngon ɓe ñemmba ten sibu ɗuum ko gacce mawɗe wonata en. 

Ngoŋka men aadi men e diine men ɓe njiɗaa ɓe mbelaaka,  alaa fof koɓe ngoppani en alaa fof koɓe ngoppi emen.
so wonaa yen ndew ko maɓɓe ngoppen ko men. 

Ɓe mbi’en ɗemɗe men ko maayɓe 

Njanngotaako mbaawaa roondaade

Ganndal, cikkuɗen ko goonga mbeddi ɗen ɗemɗe men, njaggu ɗen njanngu ɗen ɗemɗe maɓɓe Ngaal men yoolii haa maayi  ngubbu ɗen.  

ɓe mbi’en comci men e ñootol men fof yooɗaani ngoppu ɗen, njaggu ɗen ko maɓɓe, ko heewi e haŋki men hannde yooli alaa yooltooɓe majjii hay so maayaani koko faddii. 

ɓe mbi’en eɗen ɓawli haa ɓurti ene yoola njooɗndam en ko heewi e rewɓe men mbatti  moomaade e foppaade mbele  ngona woɗeeɓe. kono ɓalawol bonii ɓalli mbonii tee kadi boɗowol heɓaaki heɓotaako.

ɓe mbi’en cuhuli men ko daɓɓi ene cohli jokkeede, ɓe ngaddi "mees" mbattu ɗen jokkaneede. Hannde mo mooraaki mees
 fof wiyata ko yiyetaake, mo alaa mees fof wiyata ko ñaantaaki mooraaki weltaak. 

Enen kam mande muɓɓitten ngite men ngannden wetaani kono ñawlii...

Hay gooto emen anndaa mande maayata

kono hay gooto e men majjaani ko mayoowo. 

SO EN NJIƊII MBIYEN KEDDORE ƊEN KO...

Hojomaaji seeɗa, balɗe seeɗa jonte seeɗa lebbi seeɗa, duuɓi seeɗa. kono kam ko ene wona heen fof enen kam, en ngalaa ɗum ganndal. Sibu hay gooto e men andaa mande maayata, nguurdam men wonaani e juuɗe men hay gooto e men anndaa no foti balɗe heddii e nguurdam mum. alaa e men fof kumpitiiɗo ɗum alaa emen fof kumpitaaɗo ɗum. ko Alla tan gooto anndi Mande maayaten ko kaŋko anndi 

ko hol ndeen, anndi ko hol toon Kadi anndi ko hol e men gadotooɗo yahde, Hol e men cakkittooɗo yahde, enen alaa e men fof nganduɗo ɗuum alaa e men fof mo ganndal mun yettii toon. 

kono alaa e men majjuɗo wonnde ñande fof, ñawlawma kala garɗo ñalawma kala jawtuɗo,  maayde men ne ɓeeyɗoo ɓadaade en ɗum hay gooto e men majjaani ɗum hay gooto e men humpaaka ɗum. 

Sibu ñande fof eɗen njiya eɗen  nana kaari yehii, kaari kay saŋkiima haŋki hannde, walla jooni jooni. 

banndiraaɓe hoddiiBe, e sehilaaɓe for ene njaha ɗuum ko ñande fof sahaa fof wadde meeɗat tan nde woni miin, walla aan. 

Hay so wonii miin hannde mbiymi janngo ko aan walla goɗɗo. 

Kono nde wonnoo, wonaa miin wonaa aan wonaa goɗɗo hay gooto e men timmaani ken juulɓe, ken juulooɓe, kono ken juumooɓe. 

Neɗɗo timmaani ken yejjitooɓe kono golle men ko binndaaɗe. aduna ko ngesa men kala ko ndemɗen heen hannde ko ɗuum coñoy ten janngo....  

Yoo GENO rokku en remde ko moƴƴi mbele eɗen coñoya kadi tawo yen moƴƴere Aamiin. Tawee men to Facebook Ekn...

               Facebook
        Pulaar e pulareeje

            YouTube
        Renndo fulbe

moni kala ko jogii koo tan rokkirta.

moni kala ko jogii koo tan rokkirta. 

koddigal ina wela haa ɓura jiidigal welde ɓura cehilaagal welde, ɓura kadi jaadigal welde. kono so fellitii mettude, luural naatii e hakkunde hoɗdiiɓe ena nawora ko heewi famɗaani. 

kono kadi yahde de gooto e wonnde gooto no way fof, ɓuri jaadiiɗo bonɗo ɓuri koddiiɗo bonɗo. 

e jamaanuuji ɓooyɗi jawtuɗi eɗen mbaawi wiyde ɗi heewɓe hay siftoreede mun njiɗaa hoddiiɓe ɗiɗo,  jiiduɓe ko heewi famɗaani ko hay gooto waawa ustude waawa yeddude, waawa yawde. 

haɓe mbeldu noo, no feewi ko kamɓe nden-ndu noo huunde fof haydara ɓe njaɓataano lom-mboo hakkunde maɓɓe, haɓe njiidi haɓe mbeldi kadi haɓe kawri e fannuuji keewɗi. 

kono pulaar wiyi" Cehilaaal bonataa so tawii jamfa tawaaka. 

so tawii a yiɗaa yiyde e neɗɗo hono maa ko welaanima ko feewaanima  hoto yuurno ɗum nder e boowal sibu neɗɗo timmaani, so a yuurniima a yuurnitiima ɗum no feewi, mbele aɗa yiya e mun ko welaanima feewnitaakima tan Jooni njiyaa ko ndaaran-no ɗaa taw alaa fof ko ɗum ɓeeydata hakkunde mon so wonaa ko ɗum bonni walla ko ɗum jiiɓi, sibu ena usta hoolaare kala to hoolaare gasi famɗat ko hedii ɗoon. 

Ndeen ɓe njehii ɓe ndewii luural hakkunde maɓɓe haa ko moƴƴu noo hakkunde maɓɓe fof yooli. 

ɓe pelliti seertude fof, e seerndude fof alaa koɓe ngoppi hakkunde maɓɓe, sibu hay gooto e maɓɓe sikkaani mi jaaki, wonnde hannde ene niɓɓiɗi hakkunde maɓɓe kono janngo fof ene waawi wontoyde no wanoo hanki nih. 

Ko noon koddigal maɓɓe boniri. 

Gooto fof heɓi hoore mun rewi e tiinde mun. Wonɓe baŋnge funnaange ɓee, mbaɗti innirde wonɓe hirnaange ɓee, hirnaange naaɓe, wonɓe hirnaange ɓee, kadi mbaɗti innirde ɓeya too funnaange naaɓe Balɗe lebbi e duuɓi ena jawta tan fof ena ɓeeydoo bonnde fof ena ɓeeydoo jiɓaade hakkunde maɓɓe. 

Waɗi sahaa gooto tan wonɓe hirnaange ɓee mbiyi ɓaadi jam alaa yo bone woot tan, ɓaadi kawral alaa yo luural woot tan, ɓaadi alaa fof ko moƴƴata hakkunde men e maɓɓe fof yo bon tan laawol gootol. 

ɓe ndenndini to maɓɓe, bone bonnɗo en kurjuru en ekn… haa heewi ɓe mbeddo yii ɗum to ɓeya ɓe ngarti ɓe njooɗii. 

wonɓe funnaange ngari jiimi heen njiili koye sibu ene nganndi alaa baɗoowo ɗe golle so wonaa kamɓe kono haydara kaalaani. 

Ndotti to mum’en ndenndi noy kala ko ɓurnoo yiɗde e ko ɓurnoo horsinde gila e ñaamdu haa e geɗe goɗɗe haa heewi, ndoondii  ngari haa ɓenni keerol hakkunde maɓɓe njoññini ɗoon mbinndi e dow heen 

« MONI KALA KO JOGII KOO TAN ROKKIRTA»