waasde waade no yimɓe ɓee fof njiɗi mbaya

Waasde waade no yimɓe ɓee. fof njiɗi Mbayaanii, Firtaani yimɓe ɓee fof mbeletaa-kema, walla ko Pewjuɗaa e ko kaalɗaa fof ɓe njaadataa heen, so ɗuum ɓennii Hayso tawii noon ɓe mbelaa-kama nii, alanaama caɗeele. Sabu ko adii fof neɗɗo koñum taw haani adaade weleede hoore mun nde fuɗɗoo welde woɗɓe, neɗɗo ko maa yiɗa Hoore mun nde woɗɓe puɗɗoo yiɗde ɗum, neɗɗo ko maa hoolnoo hooloo hoore mun nde woɗɓe puɗɗoo hoolaade ɗum. Kono Sotawii noon aan a welaaka hoore maa. aan a yonaaka hoore maa. ko jiɗɗaa fof mbaɗaa kono haydara firtataa sabu no a weliraaka Hoore maa nii ko noon ko mbattaa koo waasirta welde yimɓe ɓee. So aɗa yiɗi fooftinnde hoore maa "banndam"hoto wonnde ko yimɓe ɓee kaalata e maa. sabu haallullaaji maɓɓe ɗii e maayde poti wonaa aan wonaa miin hay gooto daɗataa heen. no mbaaw-ɗaa waade ko mbaaw-ɗaa haalde e ko mbaaw-ɗaa wadde, fof maa woot kaalɗo heen. maa woot njiiɗo heen ko feewaani ɗum maa woot kadi jiiɗo heen, ko feewnitaaki ɗum. So a yiɗii fooftude, pooftinaa hoore maa no njiɗɗaa waade nii waa noon ngoppaa haalooɓe kaala heen. ko njiɗɗaa gollude koo gollu ɗum ngoppaa Haalooɓe kaala. mbaasaa wiyde somi waɗii nii maɓe cikku ko nii mbaami walla ko nii ciforiimi. ko yimɓe woɗɓe ɓee cikkata koo ɓe cikkat ɗum tan. tee wonaa ko cikkaa fof wona goonga. wonaa ko haalaa fof wona goonga. wonaa ko nanaa fof wonata goonga. «tee so ɗuum ɓennii won e sahaaji lamɗam ena nannda e suukara kono wonaa gootum»

kala mo foolaani baasal mun foolaani Aduna mun fooftaani e Aduna mun,

Heewɓe waaɓe no am nii?
so nanii ena wiyee,

Aduna Ko Dogdu jamma e ñalawma subaha e kikiiɗe,

Aduna ko Hare Jamma e ñalawma subaha e kikiiɗe

Aduna ko Daraade e Dadaade Haa tiiɗa,

Cikkata firti Hare Aduna e dogdu mun tan ko Dañal e baasal kaɓata, kadi ko kañum Haɓan tee jamma e ñalawma

kala poolɗo baasal mun foolii Aduna mun, fooftii e Aduna
Mun,

kala mo foolaani baasal mun foolaani Aduna mun fooftaani e Aduna mun,

Kono miin ndee mbyiimi

fooli Aduna mun foofti e Aduna mun tan ko oon fooftinɗo Hoore mun,

so wiyaama fooftinnde Hoore mun tan,

kadi Heewɓe cikkata
fooftini Hoore mun tan ko oon jooɗiiɗo mo alaa ko ndaartata haydara,

oon mo wonndaaka Haydara,

oon mo alaa ko yiɗi Haydara.

oon mo alaa ko añi Haydara,

KO OON TAN fuɗɗi ɓeeydi tampere.

pooftuɗo pooftinɗo hoore mun,
woni jonaaɗo hoore mun,
Jonndiniiɗo e ko dañani hoore mun, Koo woɗɓe koo wonaa haaju mun, oon kala ko Dañi ena yona ɗum ko oon foofti e Aduna mun, sabu hay gooto tinataa Tampere mun saha ena nana goytaali mun,

baasal tan tampi-naani guurɗo
dañal tan foofti-naani guurɗo

fooftini guurɗo tan ko yondi-naade, so neɗɗo yonndi-niima tan ko dañi fof nafat ɗum, so neɗɗo yoondi-niima tan ko dañi fof yonat ɗum,

Ko Hakke Hakki am tan kaaldumi On njaaraama,
★c.s.sw★

Cheikh Sadibou Ba So