Ballondiral e jurmondiral

Ballondiral jurmondiral laaɓondiral deedi ena jeyaa e ɓamtaare  leñol,
sabu ina ɓeeyda kawral tee kala to kawral alaa jam Heewaani wonnde ɗoon saha ɓamtaare ena tawtoree heen,

hayso leñol walla renndo Ekn.  njiɗii fooɗanaade Jey mumen e geɗal mumen ko maa deenta kadi kawra haala mumen yaawa nanaade. kono so yimɓe kawraani hay ko pooɗon too heewaani wonnde gootum saha woytaango mumen ena wattee hakkillaaji
Walla yaawa naneede?

Heewɓe Emen ena mbiya ɓamtaare leñol, ɓamtaare leñol, ɓe ndewa heen ɓe ndeftoo heen jamma e ñalawma subaha e kikiiɗe,

taw haala maɓɓe kaa no way heewde nii fof alaa ko nafata leñol ngol alaa kadi ko ɗuum nafata renndo ngoo. sabu koɓe kaalata koo ɓe nganndaa hoore mun, saha ɓe gannda laaci mun,

ko goonga so yimɓe kaaltidaani njeewtidaani ngosso-ndiraani miijooji alaa ko mbaawata fewjude,  alaa ko haali noon wooɗde ko peewni,

kono meɗa sikki tan hannde oo en potii diwde ɗoon en potii diwde haalllullaaji ɓoli keewɗi tan mbaɗen feere fewjen no kuccanir ɗen e gollanaade renndo men,  haa mbaa-wen ɓamtude heen leñol men.

Ko yettere alla sabu eɗen njogii haalooɓe… e hettatooɓe fof kono hannde renndo men e yonta men ɓuri sohlude ko fewjooɓe peeje kese taw ko felliɗɓe ɓeen feewjooɓe noon kaani wonnde ko yarlitiiɓe ɓe ndaartaani heen wutte ndaartaaniy heen innde ko yoo leñol fulɓe yaaru yeeso tan