Gila hanki haa hannde leñol men ina ɓafa to gootel

Holko saabii gila hanki haa hannde leñol men ina ɓafa to gootel. sotawii en ɓetii, hanki men e hannde men en tawat ko njooli ɗen , koo ɓurondiraani e ko juultuno ɗen hanki hay huunde wootere.eɗen nganndi eɗen ngalɗi. to jawdi e to bannge Hakkile fof. kono haa jooni ken daɗaaɓe e Fannuuji keewɗi, ko wonaa geɗel gootel.Winndooɓe, ena ngoodi hay wittooɓe yimooɓe, fof eɗen jogii Haalooɓe e daarooɓe fof ena tawee 'emen' kono ellee so en ndendinii fof nanatee tan koto gootel. ɓeeyden tinnaare sabu hay hakkunde en keɓaani en ndaɗaani hay gootol.eɗen Tawee e fannuuji keewɗi goolle keewɗe, kono en ngardaaki heen hay geɗel gootel. dille men ngoŋka men aadi men e nguurdam, men e to. ngummi ɗen, fof heewɓe ena nganndi. kono yidde men e anniya men ɓe, nganndaa heen hay geɗel gootel. Saabii ɗum, ko to men gooto fof e miijo mun. gooto fof e Hakkile mun gooto fof e feere mun ɗuum, ena duusa leñol kono nawataa ɗum to ɓuri wuɗɗude. ɓamtata leñol ko ɓamtaare peeje, ɓamtaare Hakkillaaji, ɓamtaare miijooji, taw kadi ena yaadi e deental e kawral. so yimɓe Ndenndii. Ɗaminaare yoo ndenndu anniya njoottoo pewjida ko ñawi fof ƴeewa safrude, ko enen ndenndi fof ɗuum noon ndeenten pewjanen caɗeele men fof ndeen maa en njaaru yeeso taw hay gooto e men heddaaki caggal!... «Cs.bs»