Politik ko pene tigi

Politik so wiyaama ko pene tigi ene woodi ko goonga jeddi ngalaa heen

sibu baɗoowo politik, (gardiiɗo o) e waɗooɓe politik,(rewɓe heen ɓe) fof ko gootum haydara seertaani.   
    
    ↦Hoore woɗɗaani daande↤

wonaa yiɗde, wonaa nuunɗal so en njiɗii mbiyen nih wonaa kadi hay hoolaare, alaa heen fof ko woni hakkunde maɓɓe so wonaa ɗaminaare mehre. 

ko ɗum saabii jamfa kam ne heewi  naaɗde hakkunde maɓɓe, watti-ndoo  bonnude hakkunde maɓɓe, 
      
        (...KO ƊUUM SAABII...)

ɓeya ngona heen sehilaaɓe hannde ngona haɓdiiɓe janngo. 

ɓeya ngona yiɗondirɓe hannde ngona añondirɓe janngo. 

ɓeya too ngona welduɓe hannde kadi janngo hakkunde mumen bona.

ɓee ngona yaadiiɓe hannde ceerta kadi janngo. 

ɓeya too ngona mantooɓo, taw ko kadi ko maantiiɓe janngo to moolii. 

ɓeya ngona mantondirooɓe kono taw kadi ko maatondirɓe, ko ena ngaybondira janngo.  

gooto heen fof ne sikka, gooto heen fof ne wiya, gooto heen fof kadi ne anniyii wadde, gooto heen fof ne waɗi e ɓernde mun, ko kañum heedi e damal kadi ɓuri ɓadaade damal. 

So fof wayaani  no poti waade, so fof rewaani, ɗo foti rewde, kadi ko daminaa heen koo fof so heɓaaka kañum kam yeltataa heen junngo ɓolo yaltit-taa heen e koyngal kelngal walla junngo helngo. 

sibu so wuuriima tan(parti o) kañum fadataa haa yana e hoore mun, yahat yaltat, heen haalaaɓa gila ena njogii koyɗe. 

heɗdoo ne wiyee kaari, kay woppii kaari, kaari kay jamfiima kaari en ekn…

ɓe njejjita gooto fof ko ɗaminaare waɗnoo ɗum ɗoon, gooto fof ko ɗaminaare naaɗnu noo ɗum Heen,  ɓaydi hoore mum yiyaani heen, ena yalta gila ngel mun yoolaade heen.

Jamfa kam ko jamfa tan kono kam won e janfaaji hay gooto haanaani betteede heen, hay gooto haanaani wiyde koko bettaa heen. walla koko janfaa heen.

sibu ko maa jamfa waɗata tan nde jamfiiɗo oo,  wooda ko heɓi heen. jamfaaɗo oo, wooda kañumne ko waasi heen.

Tawee min to youtube 

Denɗiraagal

NJALEN SEEƊA.....) 

ko jaajaho gooto, e yetta sal gooto ndeggo-ndirnoo, ne njaha juuloyde jumaa, ndeen ɓe njehii haɓe njettii jumaa.

Alla waɗi ko kamɓe naaɗdi juumaa o, kono ɓe nden ndaani hay sappowol, jaajaho oo, darii koy sappol ɗiɗaɓol, yetta sal oo, kam kañum koy tataɓol darii

ndeen ɓe njuulii haɓe ngayni yelotooɓe ɓee. ngunmii, ngonee wadde no ngoowi wadde nih. 

heen jelotooɗo gooto ari to yeeso jaajaho ɗoo ndeen jaajaho oo, waɗi junngo mun e poos o yaltini toon Noogas(100fr) too wiyata hamo rokka njeletooɗo oo, tan taw yette sal oo, ne wonnoo caggal makko ɓaaƴimo rokkimo ujunnaaje ɗiɗi(10000fr) ɗuum ɗeɓi haawdemo no feewi kono kam o haalaani haydara,  o fawi heen Noogas makko ɗii, o sakkii ɗum njelotooɗo. 

ɓe ngummii ɓe njalti, jaajaho oo, ne heppa koɓe ɓennata damal ngal taw noddi yetta sal o, hamo naamndoo ɗum. 

Kañum kam Hol ko addani ɗum sakkaade ujunnaaje ɗiɗi. (10.000fr) ɗoon e ɗoon oon wiymo alaa kañum kay  sakkaaki 10.000f) 

Kadi sakkaaki hay mbuuɗu, gooto ujunnaaji ɗiɗi ɗe tottimo ɗee, ko nde o waɗi junngo makko  e nder poos makko, hamo yaltina toon kaalis ndee ko ndeen 10.000fr o saami, kañumne hocci rokkimo. 

ɗoon e ɗoon ɓe ñoofondiri ɓe ngoni e Haɓde, miin kam njaami laawol am gila goɗɗum tawaanimi toon. 

kono kam mi nanii e kolse bamɗi wonnde haa jooni haɓena toon kaɓa ɓe ndonkaama yoɓe ceertu. 

Tawee men to facebook.....) 
PULAAR E PULAREEJE

To youtube

Renndo Fulɓe

                   
                 

Gooto fof yoo waɗ fodde mun

 meeɗiino wadde sahaa gooto. 

yimɓe nayo, gooto heen fof ene noddiree, kadi ene nootoroo «yimɓe fof» neɗɗo gooto, neɗɗo fof, e, hay gooto, ena woodnoo golle baɗɗe faayiida keewɗe  nafoore poɗnooɗe feewneede, yimɓe ɓee fof mbiyaa yoo peewnu ɗum,  yoo ngollu ɗum. 

yimɓe ɓee, fof ena njena-naa kadi ene laaɓaa maa wood gooto e maɓɓe peewnuɗo ɗum. 

Kamɓe fof ɓe cikki ɗum, gooto fof ne wiya tawan goɗɗo oo, gollii ɗum feewnii haa feewi. 

Kono goonga e goonga hay gooto memaani ɗum, gooto e maɓɓe fof ɗo jooɗi noo ummanaaki ɗum. 

Gooto heen tini ɗum mettini heen no feewi sibu ko golle yimɓe fof wonnoo kono hay gooto gollaani ɗum… sibu golle ɗee ne njawnii ko ɗuum saabii gooto fof cikki golle ɗee goɗɗo gollii ɗum, kono goonga e goonga hay gooto gollaani ɗum. 

Golle ɗee gooto e maɓɓe tan ena waaw-noo feewnude ɗum golla ɗum, kono hay gooto e maɓɓe miijaaki alaa e maɓɓe fof golloowo ɗum. 

Ɓe mbatti-ndii ko happo-ndirde gooto fof ne wiya goɗɗo oo, waɗaani fodde mun, gooto fof ena wiya goɗɗo oo, aan kay aɗa waaw-noo feewnude ɗum Hol ko haɗ-maa gollude ɗum. 

 KONO E HAKKILLAN-TAAGAL.... 

taw hay gooto happaani goɗɗo oo, taw hay gooto faawaani e goɗɗo ko foti fawde e hoore mun, hay gooto cikkaani e goɗɗo ko foti fellidde waɗa kañum e hoore mun. 

 moƴƴan-no so tawiino gooto fof ena waɗa fodde mun taw sabbaaki e goɗɗo fadaani e woɗɓe, waasa yaakoraade kadi so woɗaani fodde mun maa goɗɗo waɗ-ɗum. 

Sibu  kala to cikku ɗaa, maa wood mo taw ɗaa hay gooto a heewaani tawde ɗoon. 

ko noon ne kadi ko cikku ɗaa so a waaɗaani maa wooɗ baɗɗo, hay gooto heewaani ɗum wadde sibu ko cikka taa e ko cikku ɗaa koo heewɓe ko ɗuum cikkata. 

So mbaɗaani aan kam maa wat-ɗum ko ɗuum saabii hay gooto waɗaaani ɗum feewnaani ɗum hay gooto  gollaani ɗum. 

MAMI NELDU NGOO ƊOO MIIJO YIMƁE  ƁEE FOF. MBELE GOOTO FOF ENA NELDA ƊUM GOƊƊO OO. TAW HAY GOOTO YEJJITAANI HEEN HAY GOOTO. 

Galo ganndo baasɗo Moƴƴo e bonɗo fof ko ɗoo mbattin-too.

baamuule men hannde keewi yimɓe sikkaan-nooɓe maayataa hannde maayataa janngo maayataa haa aduna gasa. 

Hay so tawii kañum en ñannde fof ena ngasa ena ngubba, ñannde fof ena njiya yaahooɓe ɓe mbaynaaki yaaɓe ɓe ngartaani.  sibu ɓeen kam ko yaaɓe to artetaake. 

Yimɓe sikkan-nooɓe nguurdam mum’en kam wonaa haŋki wonaa hannde fuɗɗii, kadi wonaa nih hay janngo gasata. 

yimɓe wiynooɓe wiyaɗnooɓe.  yimɓe felliɗnooɓe. yimɓe yenana-nooɓe yimɓe jaggirnooɓe, mayde kam ko nan nanti tan enen fof ken arɓe ko goonga, kono jooni jooni hay  gooto e men wonaa jahoowo. 

Sibu Ɓe cikkan-noo ko kala e men taawaano demal, coñal kam wonaa luutateeɗo.

  

Kala e men tawaaɗo dabbunde koko tawetee ceeɗu,  tawee kadi hay Demminaare. 

ƁE MBIYI 

maayde men e nguurdam men wonaani e juuɗe men,  kono kala ko puɗɗi-ɗen so wonaa gasi haa laaɓi en ngonaa yaahooɓe. 

yimɓe cikkan-nooɓe wonde bonɗo hannde wona moƴƴo janngo, alaa ko foti weeɓde alaa ko foti kadi newaade. 

sibu nguurdam ko laawol kono ena juuti alaa ɗo haaɗi, hay so tawii alaa maayɗo wuurti, laahara alaa jaaɗo addi,  alaa jaaɗo arti.

yimɓe heewnooɓe, wiyde maayɗo fof darnga mun dariima maayɗo fof yooliima majjii maayii. 

Yimɓe Ɓe ceera-taano e wiyde so leewru koorka dariima. MIIN MAAYOORU WARATAA KAM. maayooru nawortaa kam. 

ɓe mbiyi kadi aduna ko garal ngal alaa ruttaade,  ko nguurdam ɗam alaa maayde sibu Maayde, ko haala tan kono alaa jahoowo. guurɗo fof komo meeɗaani meeɗa-taa Maayde. 

Kono hay Kamɓe ɓe njehii ɓe ngartaani, ɓe ngarta-taa ɓe meeɗa-taa artude sibu ɓe njehii to artetaake. 

Golle maɓɓe ngasii,  defte maɓɓe keewii, nguddaama wonaa ko moƴƴi, wonaa ko boni alaa fof koɓe mbaawi ɓeeydude heen. 

kono alla ko jurmo tooɗo jaafo tooɗo wadde yoo Alla yurmoɓe yaa fooɓe kamɓe e denndaagal maayɓe juulɓe kala.
         

Kono miin e maa, e goɗɗo e woɗɓe

Haa jooni eɗen poofa, eɗen nguuri eɗen celli, wonɓe ɓe keɓaani ɗum. 

        

Won wuurɓe ɓe cellaani meeɗaani

Sellude, won wuurɓe kono kadi ko 

wumɓe, ena njogii gite kono ngonaa yiyooɓe. 

won wuurɓe no nguurdumi nih, no nguurdu ɗaa nih, kono ko muumɓe, mbaawaa haalde Hay haala men ngonaa nanooɓe. 

Hol ko haɗi en miin e maa wayde no moƴƴi. 

Hol ko haɗi en haɗata en wadde ko moƴƴi. Waade no moƴƴi E wadde ko feewi. 

Hol ko haɗi en rewde e laawol poocingol ngol selaani selmbaani

Hol ko saabii miin e maa, kala ko feewi, kala ko moƴƴi, mbiyi ten ko haa janngo mbaɗen, so janngo arrii kadi mbiyen haa janngo ellee en ngan-ndaa ellee en njejjitii.

aduna ñiɓaaki koko ɓaarii, ellee en njejjitii nguurdam men wonaani meeɗaani wonnde, e juuɗe men, ko arata janngo en ngan-ndaa to janngo tawata en eɗen kumpaa. 

Wadde kala ko poɗɗen wadde e moƴƴere hannde hoto pawen ɗum e janngo kala ko mbaawɗen wadde hannde e moƴƴere hoto mbiyen haa janngo sibu janngo koy junngo Alla woni… janngo ko Alla tan anndi holto tawata en.. 

     Facebook 

Pulaar e pulareeje 

  

    YouTube 

Renndo fulbe

KO GOLLE ƁURI HAALA

Haala ɓola wallataa, Haalde ko
wattaa ɗuum kam Haydara firtataa 

Kala ko neɗɗo ena haala yoo haal ko Waɗata. 

kala ko nganndu ɗaa so a haalii  a waɗataa a wonaa baɗoowo,  tinno woto haal, sibu saa haalaani haydara bonnataa. 

so yimɓe ena kaala, walla kadi ena kaalda yoo kaaldu goonga. 

So yimɓe ena kawra yoo kawru kadi e dow goonga. 

so yimɓe ena mbelda yoo mbeldu kadi e goonga. 

Hayso yimɓe ena kaɓa yoo kaɓ e dow goonga. 

sabu kala ko wonaa goonga koko firto-too ko goonga tan wattinta...


Renndo Fulɓe
    Telegram


       Facebook
Pulaar e pulareeje

     Renndo Fulɓe
        Youtube

Neɗɗo fof ne foti reenaade reentaade.

GUURƊO FOF KO MAAYOOWO

      «...Wadde Ena foti....»

reende e reentaade ko heewi. 

E noppi maa,  nofuru maa wattu heen Hakkille maa heɗo  heen heɗtoro heen ko moƴƴi sabu janngo fof kam kaa naamnde-teeɗo.   

E gite maa yiytere maa ndaar heen ndaardu ɗum ko moƴƴi sabu janngo fof kaa  naamnde-teeɗo. 

E ɗemngal maa haal heen haaldu ɗum ko moƴƴi sabu janngo fof kaa naamnde-tooɗo. Hoto haaldu ɗum kaa yiɗaa haal-toyde janngo. 

E junngo maae juuɗe maa gollir ɗum gollirɗe  ko moƴƴi sabu janngo fof kaa naamnde-teeɗo. 

Hoto ñamlir juuɗe maa kaa yiɗaa yoɓeede a yiɗaa yoɓoyeede janngo

E koyngal maa koyɗe maa yaaru heen yaaru ɗum ko moƴƴi sabu janngo fof kaa jaŋtatooɗo. 

Kala ko mbaɗɗen hannde ko ɗuum tawoy ten janngo. 

Kala ko ngollu ɗen hannde ko ɗuum

Njoɓete ɗen janngo. 

Yoo Alla rokku en wadde ko moƴƴi

mbele eɗen tawoya ko moƴƴe. 

yoo Alla rokku en gollude ko moƴƴi mdele eɗen tawoya joɓdi moƴƴiri. 

yoo Alla rokku en no tinnori ɗen

E koye men Aamiin...... 

Aduna kala mo ari heen ɓenna taa taw gite mun mbeddaaki gonɗi.

Aduna kala mo ari heen ɓenna taa taw gite mun mbeddaaki gonɗi. 

Ngar ɗaa kaɗa woya njaɓɓire ɗaa jaleele, so maayde arii nduusire ɗaa bojji sibu a yehii a artaani a artataa.

Tampere e caɗeele ɓurɗe mawnude e nguurdam, ko nguurdam aduna e hoore mun. 

Nde pinɗaa fof aɗa haɓee, mbele aɗa wona, aɗa haɓee mbele aɗa heɓa kaa alaa, aɗa haɓee mbele ko njogi ɗaa koo ina wooda ko ɓeeydii heen wooda ko ɓeeydaa heen, kadi wooda ko ɓeeydu ɗaa heen. 

aɗa heɓa, aɗa waasa, aɗa foola, kono won sahaaji aɗa foolee. 

Aɗa Muusaa, aɗa tampi, won heen sahaaji aɗa woya a deƴƴaani. 

aɗa momta gonɗi maa hay gooto a hollaani, hay gooto a haalnaani. 

Kowoni e yeeso maa kam e goonga nanndaani haydara jiidaani, hay so heewɓe njiyaani. heewɓe kadi nganndaani. 

(C.S.B.S

Yonta men hannde

Yonta men hannde 

kala kaaloowo goonga  jooɗtoriiɗo goonga alaa heen geɗal, sibu so noddii hay gooto noototaako. 

so haalii hay gooto heɗotaako, sibu jooni koy aduna ɗaminaare ngon ɗen koy aduna yawre ngon ɗen. 

Hay gooto yiɗaa kadi hay gooto yonndinaaki e ko jogii koo, jooni Hakkillaaji men ngoni koy goɗɗum eɗen mbaawi wiyde ko ɗuum nii saabii hannde Kala ɓurɗo waawde fennde ko oon ɓurɗen waawde heɗaade e hettaade ko caggal mun ɓurɗen  heewde rewde… 

ñannde fof ena haala ko waawaa ñannde fof ena haala ko waɗataa, ñannde fof ena haala ko wonataa. 

Kono nde wonnoo joomun ko haalata koo fof e heewde wiyaani heen hannde, wiyaani heen janngo yimɓe ɓee fof ne njaadi heen, hay so tawii ko ɓuri heewde heen ena nganndi wonataa waɗataa, kono ɗaminaare woppataa gite men en muɓɓittaa goonga en ndaara taa en ndaarta taa. 

PULAAR WIYI" ɗaminiiɗo maayata koy damal suudu penoowo.

 

Salaade aadi ɓuri firtude aadi sibu kala pirtoowo aadi oon kam ko ñaamoowo jiiba......... 

Moƴƴo fof hannde ko ɗaayɗo

Hol fof ko saabii hannde moƴƴo fof jaggirtee ko puuyɗo kaangaaɗo. 

Hannde So tawii kaa neɗɗo moƴƴo ɓernde, kaa neɗɗo moƴƴo jikku. 

kaa neɗɗo jurmotooɗo, kadi kaa neɗɗo laaɓɗo reedu. 

kaa neɗɗo balloowo yimɓe ɓee fof walla ko ɓuri heen heewde. 

kaa neɗɗo newiiɗo kadi newaniiɗo yimɓe fof ko aldaa e paltoor. 

kaa neɗɗo gittanɗo neɗɗo fof e yimɓe ɓee fof geɗal. 

kaa neɗɗo goongiyaŋke. 

kaa neɗɗo jom konngol kala ko kaal ɗaa kaa baɗoowo, a fenataa,  a fuuntataa, a jamfotaako hay gooto. 

kala kadi neɗɗo ñaagiiɗoma so tawii aɗa jogii kaa dokkoowo, so tawii aɗa waa-wani ɗuum huunde kaa baɗoowo. 

kala ko mbaaw ɗaa kala kadi ko njogiɗaa ko aan e bannde en fof ndenndi ko aan e yimɓe fof ndenndi hay gooto a faltaaki . 

Kala ko mbiye ɗaa, walla mbaɗe ɗaa kaa muñoowo. So a wiyaama ko boni njaabo ɗaa heen ko moƴƴi.

so tawii kadi a  tooñaama hay saa yaafnaaka njaafoɗaa, nde wonnoo kaa jaafotooɗo sibu aan  a wonaa janfotooɗo. 

Yimɓe ɓee fof njaggirtu maa ko kaangaaɗo, yimɓe ɓee fof njaggirtu maa ko ɓoccoonde. Yimɓe ɓee fof njaggirtu maa ko a  neɗɗo pamaro Hakkile, walla nih neɗɗo mo alaa Hakkile. Ɗaayɗo, puuyɗo, 

Mbele Internet gratuit ne woodi

Internet taw hay mbuuɗu a yoɓaani

nde welmaa fof ene weldu maa fof. 

Ene gasa wonnde taw a meeɗaani wittude, ko fayti e ɗum walla hakkille maa meeɗaani arde heen kono kam a wiyataa a meeɗaani nannde haala "connexion gratuit" ene haalee.. 

Hol ko ɓuri ɗum welde nattude sooɗde connexion ñannde fof teemedere, capanɗe joy walla nii ko ɓuri ɗum, so on keɓii nattude yoɓde ɗum taw kadi eɗen mbaɗa connecté. no weldi en  fof taw hay mbuuɗu en njoɓaani alaa ko kaala ten so wonaa weltaare. 

Sibu Hay gooto e men majjaani wonnde hannde, connexion internet koy nguurdam men jeyaa, haajuuji men e hammuuji men fof ko ɓuri heen heewde ko heen kumtaten

 Ene ɓattondira woɗɗondirɓe ina itta kumpa ene ɓeeyda kadi ganndal  wonande ɓeen yaaruɓe oon bannge haaɗaani ɗoon tan ene gasa taw  ittataa yeeeweende  kono kam alaa jeddi wonnde ina usta yeeweende. 

So a nanii hannde neɗɗo ina wiya meɗa aani, meɗa yeewaa mi alaa ko mbaɗmi Tan tawan joomum alaa telfoŋ android, walla hay so ina jogii telfoŋ, tawan alaa connexion. internet so neɗɗo ena jogii ɗum tan  seertee yeeweende haalaaɓi cer.... 

Facebook, youtube, twitter, viber, e Imo, haa teeŋti noon e WhatsApp. haala mun haaletaake cikkaa ko enen Fulɓe njey ɗum. Jooni kay enen Fulɓe ko whatsapp tan Jamma e ñalawma, subaha e kikiiɗe fof ko kañum facoŋ fedde fof ne tawee heen jooni ken egguɓe, [mbiyimi] kala majjirɗoma hoto tampin hoore maa njiilaw naat e WhatsApp tan. Jooni njiytaa joomun Yoonii..

... Kaleen ko addi en ɗoo koo... 

Ƴeewen so tawii maa en keɓan koye men jaabowol e naamne men ɗee. konii naamne ɗee siforii..

MBELE CONNEXION GRATUIT

taw hay mbuuɗu a yoɓaani ene woodi ena wootnoo walla ene woodi haajooni. 

JAABOWOL MEN HEEN. 

Ko eey ena woodnoo ena woodi kadi haa hannde, tee ɗuum wodat haa janngo, ko goonga nih nattii waade no waanoo haŋki nih, sibu jooni jeyɓe ɗum ɓee.
ORANGE. MOOV. MTN. TIGO. EKN.. 
 ne mbatti heen Hakkillaaji mum’en no feewi sibu ɓe njiɗi ko ittude heen geɗal wuyɓe haa laaɓa cer. 

Kono Ɗuum kam eɗen mbaawi wiyde koɓe tappina koye maɓɓe tan. sibu ko kamɓe e koye maɓɓe ngadii wonnde wuyɓe,  sibu kala e men mbaɗɗo kaalis e telfoŋ mun ɓe mbiyat maa ko ɗoo e balɗe so a huutoraaki kaalis maa  ɓe nawat tee ɗuum haanaani wonnde. 

Connexion gratuit taw hay mbuuɗu a yoɓaani ɓurnoo waawde heɓaade koy application «VPN» 

Walla mbiyen aplikaasiyoŋaaji biyeteeɗi VPN.. Ko wayno. Slow dns. Finch VPN. E raɓɓiɗinaade haɗi keewi haa maay, kono kadi Ko noon ɗi mbay seertude ko ɗuum saabii won heen baɗooji connexion

gratuit won heen ɗi mbaɗataa hannde kam nih keewɗi heen mbattaa, kono nde wonnoo fof wonaa gootum wadde gooto emen fof ena waawi etaade huutoraade ɗum ndaara so tawii maa yaa walla yahataa. 

Mami wat vidooji (2) les mbele mbaawon ndaarde heen Hol no ɗum yiylortee e hol no ɗum waɗirtee....

MEƊA SIFTINA ON TAN MI WIYAANI KALA E MON BAƊƊO MAA HEEƁ CONNEXION GRATUIT Walla kala e mon njiiliiɗo maa yiytu MBIYMI KO YON MBAT. Essayé. tan

Sibu hay miin wonaa ñande fof keɓatmi ɗum kono mi meeɗaani aamde heen. Njiilo ɗee tan maa met nde njiitu ɗon maa meet nde keɓ ɗon on njaaraama.

Slow dns

 
         Facebook
Pulaar e pulareeje

    YouTube
Renndo fulbe

YANO E NAAMNDAL.

ko ñalawma gooto wonnoo, jaajaho

Gooto, meeɗiino Waalde ladde… 

walla mbiyen waalde caggal galle.

Nde weeti o arti galle makko, jom suudu makko. Naamndiimo kaŋko kam hol too Waali haŋki nde o yahata o waynaaki kadi hay gooto o wiyaani ladde koo baaloowo o wiyi" o Waali ko galle sehil makko sibu o yahno toon hiirde ŋoŋɗi keptiimo  o tinaani o tintaani  o ɗaaniii, ɓeen ngañi finndin-demo ko ɗuum deee waalnimo toon. 

Debbo o fawtaani heen konngol deƴƴi wiyaanimo haydara fay nder suudu mum hocci telfoŋ mun. 

Woni e noddude sehilaaɓe makko ɓattiiɓe ena naamndoo ɗumen heen sappo gooto e mum’en fof wiyi" ena woodi ko goonga ko galle mun o Waali haa weetii. 

Njoyo heddiiɓe ɓee, kadi gooto heen fof wiyi ko goonga ko galle mun o waali kadi haajooni hamona

Toon ɗaanii o suwaa taw finnde. 

Miin kam mi fadaani goɗɗum ko ɗoon e ɗoon njaami laawol am. 

Onon e yiyannde mon hol e maɓɓe

jeyɗo goonga walla hol e maɓɓe ɓurɗo waawde fennde on njaarama

Mo aduna fuunti fuuyii

 Mo aduna fuunti haa yejjiti hoore mun, yejjiti haŋki mun fof fuuynii hoore mun. 

Ɓaaleeɓe ɓooyii yaweede, ɓooyii ndaardeede e heeɗneede baŋnge nano ɓooyii hay fuunteede, en ɓooyii fiyeede en ɓooyii woyde en ɓooyii woyneede, momto-noowo en Gonɗi men gila haŋki, haa hannde haa jooni. haa janngo en keɓaani. 

Hannde ko ɓuri heewde e ɓesngu men ne jaŋngi, kadi hannde ko ɓuri heewde e yonta men ne jaŋnga kono haa jooni gite men ne mbeddoo gonɗi eɗen ngoya en ndeƴƴaani. 

ENEN ƁALEEƁE.

Hol ko saabi ko maa ɓaleejo hono men wiyee  walla ɓaleeɓe tooñee tan enen ɓaleeɓe ndeen-ten ngonen e njinngude walla jinngande joomun Hol ko saabii Ko maa ɓaleeɓe njennee tan ndeen-ten ngonen noɗɗo gooto njinngen. 

Ɓeya pooɗa too, ɓeya pooɗa gaa gooto fof wona e wiyde wonaa, aan wiyaa ko miin wiyaa, wonaa kadi aan waɗaa ko miin waɗaa, wonaa hay aan yennaa ko miin yennaa ko miin tooñaa. 

ENEN LEYƊEELE ƁALEEƁE. 

Hol ko haɗi en renndude e reentude ngonen neɗɗo gooto mbele kadi mbaawen falaade, ɓuri jettoraade safrude.

Pulaar wiyi" ko falaade ɓuri safrude

Hannde Yontii nden-nden ndeenten caloɗen yawaare, caloɗen kadi yaweede hay so tawii en mbaawaa salaade wiyeede, sibu ko mbiyete ɗen koo won heen ko woni e men won heen ko woodi e men, won heen ko tawetee e men. 

mbaasen heɗaade halullaaji añɓe en ngañi finaa tawaa men. bonniti huunde fof emen taw alaa fof ko mbaɗiri ɗum, alaa fof ko mbaɗirta ɗum,  so wonaa firtude fof men.  keeda en e Hakkillaaji men mbele ene ngona gite ɗe ndaarda ten ngona noppi ɗi nanirten ngona kadi Hakkile mo miijorto ɗen. Keeda en e fof men.

Ɗuum hotonjaɓen saloɗen, hoto woɗeeɓe ngon ɓe ñemmba ten sibu ɗuum ko gacce mawɗe wonata en. 

Ngoŋka men aadi men e diine men ɓe njiɗaa ɓe mbelaaka,  alaa fof koɓe ngoppani en alaa fof koɓe ngoppi emen.
so wonaa yen ndew ko maɓɓe ngoppen ko men. 

Ɓe mbi’en ɗemɗe men ko maayɓe 

Njanngotaako mbaawaa roondaade

Ganndal, cikkuɗen ko goonga mbeddi ɗen ɗemɗe men, njaggu ɗen njanngu ɗen ɗemɗe maɓɓe Ngaal men yoolii haa maayi  ngubbu ɗen.  

ɓe mbi’en comci men e ñootol men fof yooɗaani ngoppu ɗen, njaggu ɗen ko maɓɓe, ko heewi e haŋki men hannde yooli alaa yooltooɓe majjii hay so maayaani koko faddii. 

ɓe mbi’en eɗen ɓawli haa ɓurti ene yoola njooɗndam en ko heewi e rewɓe men mbatti  moomaade e foppaade mbele  ngona woɗeeɓe. kono ɓalawol bonii ɓalli mbonii tee kadi boɗowol heɓaaki heɓotaako.

ɓe mbi’en cuhuli men ko daɓɓi ene cohli jokkeede, ɓe ngaddi "mees" mbattu ɗen jokkaneede. Hannde mo mooraaki mees
 fof wiyata ko yiyetaake, mo alaa mees fof wiyata ko ñaantaaki mooraaki weltaak. 

Enen kam mande muɓɓitten ngite men ngannden wetaani kono ñawlii...

Hay gooto emen anndaa mande maayata

kono hay gooto e men majjaani ko mayoowo. 

SO EN NJIƊII MBIYEN KEDDORE ƊEN KO...

Hojomaaji seeɗa, balɗe seeɗa jonte seeɗa lebbi seeɗa, duuɓi seeɗa. kono kam ko ene wona heen fof enen kam, en ngalaa ɗum ganndal. Sibu hay gooto e men andaa mande maayata, nguurdam men wonaani e juuɗe men hay gooto e men anndaa no foti balɗe heddii e nguurdam mum. alaa e men fof kumpitiiɗo ɗum alaa emen fof kumpitaaɗo ɗum. ko Alla tan gooto anndi Mande maayaten ko kaŋko anndi 

ko hol ndeen, anndi ko hol toon Kadi anndi ko hol e men gadotooɗo yahde, Hol e men cakkittooɗo yahde, enen alaa e men fof nganduɗo ɗuum alaa e men fof mo ganndal mun yettii toon. 

kono alaa e men majjuɗo wonnde ñande fof, ñawlawma kala garɗo ñalawma kala jawtuɗo,  maayde men ne ɓeeyɗoo ɓadaade en ɗum hay gooto e men majjaani ɗum hay gooto e men humpaaka ɗum. 

Sibu ñande fof eɗen njiya eɗen  nana kaari yehii, kaari kay saŋkiima haŋki hannde, walla jooni jooni. 

banndiraaɓe hoddiiBe, e sehilaaɓe for ene njaha ɗuum ko ñande fof sahaa fof wadde meeɗat tan nde woni miin, walla aan. 

Hay so wonii miin hannde mbiymi janngo ko aan walla goɗɗo. 

Kono nde wonnoo, wonaa miin wonaa aan wonaa goɗɗo hay gooto e men timmaani ken juulɓe, ken juulooɓe, kono ken juumooɓe. 

Neɗɗo timmaani ken yejjitooɓe kono golle men ko binndaaɗe. aduna ko ngesa men kala ko ndemɗen heen hannde ko ɗuum coñoy ten janngo....  

Yoo GENO rokku en remde ko moƴƴi mbele eɗen coñoya kadi tawo yen moƴƴere Aamiin. Tawee men to Facebook Ekn...

               Facebook
        Pulaar e pulareeje

            YouTube
        Renndo fulbe

moni kala ko jogii koo tan rokkirta.

moni kala ko jogii koo tan rokkirta. 

koddigal ina wela haa ɓura jiidigal welde ɓura cehilaagal welde, ɓura kadi jaadigal welde. kono so fellitii mettude, luural naatii e hakkunde hoɗdiiɓe ena nawora ko heewi famɗaani. 

kono kadi yahde de gooto e wonnde gooto no way fof, ɓuri jaadiiɗo bonɗo ɓuri koddiiɗo bonɗo. 

e jamaanuuji ɓooyɗi jawtuɗi eɗen mbaawi wiyde ɗi heewɓe hay siftoreede mun njiɗaa hoddiiɓe ɗiɗo,  jiiduɓe ko heewi famɗaani ko hay gooto waawa ustude waawa yeddude, waawa yawde. 

haɓe mbeldu noo, no feewi ko kamɓe nden-ndu noo huunde fof haydara ɓe njaɓataano lom-mboo hakkunde maɓɓe, haɓe njiidi haɓe mbeldi kadi haɓe kawri e fannuuji keewɗi. 

kono pulaar wiyi" Cehilaaal bonataa so tawii jamfa tawaaka. 

so tawii a yiɗaa yiyde e neɗɗo hono maa ko welaanima ko feewaanima  hoto yuurno ɗum nder e boowal sibu neɗɗo timmaani, so a yuurniima a yuurnitiima ɗum no feewi, mbele aɗa yiya e mun ko welaanima feewnitaakima tan Jooni njiyaa ko ndaaran-no ɗaa taw alaa fof ko ɗum ɓeeydata hakkunde mon so wonaa ko ɗum bonni walla ko ɗum jiiɓi, sibu ena usta hoolaare kala to hoolaare gasi famɗat ko hedii ɗoon. 

Ndeen ɓe njehii ɓe ndewii luural hakkunde maɓɓe haa ko moƴƴu noo hakkunde maɓɓe fof yooli. 

ɓe pelliti seertude fof, e seerndude fof alaa koɓe ngoppi hakkunde maɓɓe, sibu hay gooto e maɓɓe sikkaani mi jaaki, wonnde hannde ene niɓɓiɗi hakkunde maɓɓe kono janngo fof ene waawi wontoyde no wanoo hanki nih. 

Ko noon koddigal maɓɓe boniri. 

Gooto fof heɓi hoore mun rewi e tiinde mun. Wonɓe baŋnge funnaange ɓee, mbaɗti innirde wonɓe hirnaange ɓee, hirnaange naaɓe, wonɓe hirnaange ɓee, kadi mbaɗti innirde ɓeya too funnaange naaɓe Balɗe lebbi e duuɓi ena jawta tan fof ena ɓeeydoo bonnde fof ena ɓeeydoo jiɓaade hakkunde maɓɓe. 

Waɗi sahaa gooto tan wonɓe hirnaange ɓee mbiyi ɓaadi jam alaa yo bone woot tan, ɓaadi kawral alaa yo luural woot tan, ɓaadi alaa fof ko moƴƴata hakkunde men e maɓɓe fof yo bon tan laawol gootol. 

ɓe ndenndini to maɓɓe, bone bonnɗo en kurjuru en ekn… haa heewi ɓe mbeddo yii ɗum to ɓeya ɓe ngarti ɓe njooɗii. 

wonɓe funnaange ngari jiimi heen njiili koye sibu ene nganndi alaa baɗoowo ɗe golle so wonaa kamɓe kono haydara kaalaani. 

Ndotti to mum’en ndenndi noy kala ko ɓurnoo yiɗde e ko ɓurnoo horsinde gila e ñaamdu haa e geɗe goɗɗe haa heewi, ndoondii  ngari haa ɓenni keerol hakkunde maɓɓe njoññini ɗoon mbinndi e dow heen 

« MONI KALA KO JOGII KOO TAN ROKKIRTA»

holno tappirde pulaar android heɓortoo e nder internet

ndaar no tappirde pulaar loowirtee e android

Aduna hannde o sohlaani wonnde neɗɗo jom hakkille, mbela mbaawaa anndude walla mbaawaa faamde yimɓe ɓee fof ponndaaka heen.

             (...Pulaar tan...)
aduna hannde o, hay jokkondiral leyɗeele, beldal mumʼen e kawral mum’en fof fawii tan koy jawdi. 

leyɗeele ɓurɗe jogaade doole ɓuri jogaade jawdi, ɓuri jogaade ngalu ɓuri jogaade ganndal ndutii kadi ndenndi ñaamande, ko ɗeen leyɗeele ngoni sehilaaɓe ko ɗeen leyɗeele ndenndi goonga mum’en, ndenndi hay fenaande mum’en. hay gooto wiyi taa goɗɗo oo. koy fenaande woni sibu ko ina feewnee fewjee e ko ina bonnee fof ko kamɓe njaadi heen. 


Aduna hannde o sohlaani wonnde neɗɗo jom hakkille, mbela mbaawaa anndude walla mbaawaa faamde yimɓe, ɓee fof ponndaaka heen. 

wonaa jeyɗo goonga fof heeɗnee heen wonaa kaalɗo goonga fof jaɓanee heen. wonaa ɓe hakkeeji mum’en yoolaa fof yooltee heen.

wonaa toɓe njiyi fenaande fof ɓe kaala heen. jom goonga o, ɓe keeɗna ɗum heen. jom fenaande o ɓe ɗalda ɗum heen.

ñaawoore e ñaawooɓe jooni ngalaa
woodi ko jinngooɓe, e jiggotooɓe.


ardotooɓe en jooni hay gooto heen hulaani haalde ko yooɗaani fewaani  feewnitaaki hay gooto, so tawii tan ena anndi so haalii ɗum maa wallu ɗum ɓeydaade tiiɗde e laamu mun hayso seɗa yawaani. 

hay gonngol ñifoowol jam huɓɓora bone ɓe kulaani haalde. hayso tawii soɓe kaalii maa addan heewɓe caɗeele, ɓeeydana ɗumʼen tampere haɗataaɓe haalde.

hayso tawii haɓe nganndi koɓe kaalata ko alaa ko waawi ñifde so wonaa ko huɓɓi, alaa ko waawi safrude so wonaa ko ñawni haɗataaɓe haalde.

Donald trump" wiyi e ɗeya balɗe jawtuɗe wonnde aduna oo fof ne anndi kadi ena haani jaɓde wonnde ko "Jérusalem" woni wuro laamorgo leydi israel.

so tawii ko goonga umminimo ko goonga o yiɗi haalde hol ko haɗimo wiyde yo israel naaɓe, ngoppu palestine naaɓe keɓa koye mum’en e banngeeji fof e fannuuji fof.

holko haɗimo wiyde yoo israel woppu ko wujjata jamma e ñalawma. leydi palestine ena maha heen koɗanɗe kese. ɗuum o haala taa ɗum sibu ndeen maa wiye
 o haalii gonnga.

Aduna hannde o sohlaani wonnde neɗɗo jom hakkille, mbela mbaawaa anndude walla mbaawaa faamde yimɓe, ɓee fof ponndaaka heen.

Sibu won heen yimɓe ko kañum en e koye mumen ngadii, famɗinde koye [mumen] ko kañum en kadi ngadii jaggirde yimɓe woɗɓe ɓee e leƴƴi goɗɗi ɗii ɓuri ɗumen

JUULƁE ENA MBAREE... 
ena ndiddee ena diiwee...
ɓeya ena piyee...Galleeji mumen ena nduppee, Jawkal mumen seeɗa kal njogi-noo ne heftee.

LEƊEELE JUUƁE.
hono mumen e heewde e aduna he ne ndaara Njinngaani, kaalaali, kaptaaki, mballaani. Neldude balle ko ena yona kam ɗuum mi haalaani.

Holto juulɓe, wonnooɓe ɗoo
Heccihaŋki e haŋki,  ena mbiya je suis «charlie» miin komi "charlie"
je suis « hebdo».. miin komi hebdo"
Je suis laahara. miin komi laahara"

EKN.. ɓeen to ngoni hannde.....

So tawii wonaano naafigaagal e yidde tineede, wonnoo hannde mbiyee... Je suis roohinngaa.. Mbiyee, laamu birmañii.. ko teroorista (terroriste}

sibu ko teroorista en mbaɗata e ko mbaɗannoo ko ɗuum ɓe mbaɗata… hannde warde miskineeɓe ɓe mbiyaani mbaɗaani ɓe nduppa galleeji mumen.. aduna fof ne ndaara haalaani. 

Kono Hannde hay gooto haala taa wonaa laamɗo, wonaa galo wonaa ganndo, nde tawnoo ko juulɓe mbaretee, ko galleeji mumen nduppatee...

yeeɓ tele e telfoŋ maa, Android nde wel maa fof.

yeeɓ tele e telfoŋ maa, Android nde wel maa fof, ene weldu maa fof taw hay mbuuɗu a yoɓaani. 

No keewmi wiyde nih tan, gila telfoŋ Android ari haajuuji keewɗi kumtii, ɗiya kumii, jooɗi-nooɓe heewɓe ngummii, ummi-nooɓe heewɓe njooɗii, golle mum’en ndaarii taw alaa ko mbaawi heen haydara. 

geɗe keewɗe cattu-nooɗe, walla  ɗe meeɗaani  wooɗde, ngoodi ɗuma kadi newii, yoolori ko heewi e kuutorɗe ɓooyɗe. 

ɓeeydi ngaameela, ruŋtini heewɓe e haajuuji mum’en ɓeya kam natti hay toppitaade golle mumʼen no haa nirta nih.. 

jahjaaɓe e lihliiɓe, jooni nattii, hay yahde gese... hay demal ñebbe. jooni kam ɓe ngoppii... 

won heen kadi ɗuum sattini golle mum’en no feewi, sibu ɗuum ruŋti nii yimɓe ɓee, e golle mum’en huccini ɗumʼen e goɗɗum. 

sibu e jamaanu men hannde telfoŋ ene jeyaa e geɗe ɓurɗe ɓattaade en ene jeyaa kadi e geɗe ɗe ɓur ɗen waawde huutoraade. 

alaa ko mbaaw ɗen heen koy waylo waylo jamaanu ɗum jeyaa.. 

ɗuum fof e wayde noon njiɗen wiyde ko hannde neɗɗo ena waawi yeeɓde, walla ndaarde tele nde weli ɗum fof, ene weldi ɗum fof taw koy Telfoŋ mun Adroid...

taw hay mbuuɗu yoɓaani so tawii

aɗa jogii «connexion» moƴƴo taw kadi ko jonɗo, so wonii «wifi» kam ɓuri wadde faayiida. 

holno ɗuum heɓortoo.... 

Holno ɗuum wonirta... 

jooni kam so en njiɗii mbiyen haajuuji men e hammuuji men fof ko heen woni. 

ko telfoŋ men woni rajo men, woni tele men, ekn… 

ko ɗuum saabi ene woodi aplikaasiyo-ŋaaji «application» keewɗi, taw ko oon bannge njaayri, hay teleeji joɓe teeɗi, ko wayno.

canal+. bein sport. ekn… 

aɗa waawi tawde ɗum heen njeeɓaa, taw hay mbuuɗu a yoɓaani wonande yiɗde footbalɓe, e raɓɓiɗinaade, fof ne tawee heen. 

1- ngardinatmi ko

(....swiftstreamz...)

«.... SWIFT STREAMZ. ko application baɗɗo faayiida belɗo huutoraade, beeɓɗo huutoraade. mi wiyi taa. teleeji aduna o fof ne tawee heen kono ko ɓuri heen heewde ne tawee heen. 

2- ndewnatmi heen mi sakkitoroo ɗuum ko 

mobdro

kañumne heedaani heen caggal fof

ne tawee heen so on njiɗii wadde ɗum télécharger ko les ɗoo seeɗa tan on njaaraama




1...SWIFT STREAMZ...)

2..... MOBDRO.....)

Yidde wonaa ñaw wonaa cellal

Hayso yiɗde, wonaa ñaw baroowo, 

safaara mun wonaa huunde weeɓnde, wonaa huunde newiinde, wonaa cafriiɗo fof sella e mun, leɗɗe mun wonaa e jeereeji fof njeeye tee wonaa e laabi fof heɓatee, wonaa naamdiiɗo fof hollatee, ngaal naamdal wonaa mone kala jaabo too, yiɗde ko ñaw mo raaɓa taa, kono layat.

Yiɗde so fellitii naaɗde e neɗɗo debbo heen e gorko heen heedat ɗum e hakkille mun heeda ɗum e miijo mun, haɗa ɗum yahde haaju mun, haɗa ɗum wadde feewnude e gollude golle mun, sikka-taa  ko a  gollaaɗo,   kaangaaɗo,  won heen nih ne njaha haa mbiya ɗuum wonaa meere ko gollaaɓe

Ngundam maa ne ɓeey doo juutde tan maayde maa ne ɓeey doo ɓadaade.

Nguurndam maa ena ɓeey doo juuɗde tan maayde maa ne ɓeey doo ɓadaade

lewru fof, yontere fof, ñalawma fof,
aɗa joogii feere hesere, yiɗde hesere, anniya keso, miijo heso, kala ko cohlu ɗaa, so alla walliima a heɓii, tan ɗoon e ɗoon tuuya maa gasii a añcii. miijaade maayde, hay sahaa, gooto a meeɗaani haalde, 

e Hakkile maa hay sahaa gooto meeɗaani arde.

Nde pin ɗaa fof ɓooyngol maa e
oo aduna ina ɓeey-doo juutde tee nguurndam maa  ne ɓeey-doo raɓɓidde.

Yeru : so tawii ko hanki waɗo-maa e aduna hee balɗe tati, jonte tati, lebbi tati, walla duuɓi tati,  wadde hannde waɗiima e oo aduna balɗe nay, walla duuɓi tati, pawɗi ñalawma.. 

kono faam balɗe ɗe keddoro-ɗaa ne ɓeey-diima raɓɓidde, maayde-maa ne ɓura kadi ɓattaa-dema ɗum ko ñande fof waftu fof e hojom fof Ko noon yahrata haa-no gasi fof

Sahaa ne ɓenna tan, aduna ena anndina en ken mee-ɗaa anndude, ena holla en ken mee-ɗaa yiyde, ɗuum ko aduna way noon…

Pulaar wiyi"
«mo maayaani gas-naani tageede»

mbee-ɗaa junngo maa yimɓe fof, goytii-ɗoma fof, e birtii-ɗoma fof,

mballaa yimɓe fof,  njurmo-ɗaa neɗɗo fof, won e sahaaji hay hoore-maa njejji-taa alla e caɗeele, yimɓe woɗɓe wonnde haaju-maa.

Allay-maa yidde adaade, safrude caɗeele yimɓe woɗɓe, hade maa safrude caɗeele-ma… aan e hoore maa?

Kono ender ɗuum sahaa gooto ara tan ngonaa e naam-ndaade, e naamndi-taade, hoore-maa.

mbele miin won miijo too-ɗomi.

mbele miin won neɗɗel gootel tan mo hakkille mun woni e am

miijo-ɗaa miicco-ɗaa haa ɓooya mbi-yaa alaa.

Yimɓe-ɓee kay kala no keɓi e maa koɓe njiiyloto-noo, ɓe njejji-tiima.

ɓe mbeddirto-maa kono kurjuru
mo alaa hay nafoore wootere-nih.

mbaɗaa ko mbaaw-ɗaa e ko mbaawno-ɗaa fof mbele yimɓe-ɓee ne keɓa e maa ko njiɗi-koo.

Kono aan hay gooto yiy-taa heen muusalla-maa e caɗeele-maa.

kono ɓe ngan-ndaa hay aan e hoore maa, kaa neɗɗo a timmaani won e sahaaji aɗa jogoo caɗeele ɗe a waawa-naa hoore-maa.

aɗa sohli neɗɗo mballoo woma e keɗotoo-ɗoma, mbattoowo e maa hakkiile, no mbattir-ɗaa e woɗɓe [hakkille-nih]

Tawee min to facebook

«..... Puular e Puularedje.. »

Ndeke mo cikkaten o wonaa oon woni baasɗo.

Hol ko woni hol mo woni baasɗo

     ~ GOONGA E GOONGA~
Ndeke mo cikkaten oo, wonaa oon woni baasɗo. baasɗo kam wonaa mo cikkaten o, 

Sibu baabiraaɗo gooto keewɗo jawdi no feewi, so en njiɗii mbiyen «galo» meeɗiino wiyde ɓiyum mami holloye yimɓe waasɓe tampuɓe ena ngoodi e oo aduna. 

Tee kadi kala no miijori ɗaa, ɓe ɓurii ɗoon e baasal. 

←JOONI NOON  BAABIRAAƊO O,

felliti nawde ɓuyum oo. njillu e nokkuuji ɓurɗi waasde e nder leydi maɓɓe.

       ← E WIYDE MAKKO →
ndeen ɓe ƴettii laawol ɓe ngonii e yahde, haɓe ngari e nokkuuji ɗi  baabiraaɗo oo, wiyata ko waasɓe ɗii,  addimo ɗo yiɗnoo addudemo ɗoo, wonee hollludemo ko yiɗnoo hollu demo koo. 

O addimo koy diiwaan demeteeɗo o wonee holludemo yimɓe remooɓe yiɗɓe demal yimɓe wurɓe e ndema mum’en kadi hoɗɓe e gese mum’en.

koy demal mum’en hee ñaamata ko heen Njarata, ko heen kol tata, ko heen kumtata haajuuji mum’en fof.

ɓe ngoni toon, Ɓe ɓooyii toon yirlaade haɓe ndaara no yimɓe ɓee ndemirta, to mbaalata,  e hol no nguurdi  toon e ndee ladde Ekn… 

Caggal ɗum ndeen ɓe njanti e laawol ɓe ngoni e artude e laawol he noon baabiraaɗo o naamndii, ɓiɗɗo o, wiyi"ɓiɗɗo o a yiyi de, mi wiynoma yimɓe tampuɓe ena ngoodi, e oo aduna yimɓe waasɓe ena ngoodi heen. 

Ayɓee yimɓe ɓe alla hollu maa hannde. kala to miiji ɗaa e kadi  no miijiri ɗaa baasal, kamɓe kam ɓe ɓurii ɗoon, won kaa anndaa heen nih haa heewi ɓinngel am. 

Ɓiɗɗo o ndaari baabiraaɗo o haa ɓooyi tukkiii, leeli tukkitaade kadi nde tukkitii haydara haalaani. 

Baabiraaɗo o wiymo ko mbiiyɗaa haalanam « hol ko njanngu ɗaa e ko njiyɗaa hannde koo fof e heewde. 

«ɓiɗɗo o wiymo" baaba enen eɗen njogii "weenndu" galle men to looti ɗen (picine)...

kamɓe ne  kadi…haɓe njogii maayo toɓe lootii. So jamma arii eɗen njogii lampaaji.
kamɓe haɓe njogii, lewru e koode.

So en keeyɗii ko maa cooden ñamnde nde mbaawen ñaamde... Kamɓe koy ndemaandi maɓɓe, ɓe nguuri ɓe nguuraani e njiggaandi.

Enen ko ɓale ndeeni en, Kamɓe ko banndiraaɓe maɓɓe. Enen ko teleeji e rajooji njeewti en. njeew-titten Kamɓe kam ko yiɗɓe e sehilaaɓe njeewtiɓe.

..... « Ɓiɗɗo o jokki heen...... 

« baaba ajaaraama no feewi, sibu hannde kam a holii kam aduna oo fof ko enen ɓuri heen wonnde waasɓe.. 

   Tawee min to YouTube 👇

         Renndo fulbe

To Facebook  👇
Pulaar e pulareeje